MP Borewell News : ગુનામાં બોરવેલમાંથી સુમિતને જીવીત બહાર કાઢવામાં આવ્યો, હોસ્પિટલ ખસેડાયો
MP Borewell News : મધ્ય પ્રદેશના ગુનામા બોરવેલમાં પડેલા 10 વર્ષને સુમિતને બચાવવામાં બચાવ ટુકડીને સફળતા મળી છે. સુમિતને બહાર કાઢીને હોસ્પિટલ ખસેડાયો છે.
10 વર્ષો સુમિત શનિવારે રાઠોગઢમાં બોરવેલમાં પડી ગયો હતો. શનિવારે સાંજે 4 વાગ્યાની આસપાસ સુમિત તેના ખેતરે ગયો હતો ત્યારે આ અકસ્માત થયો હતો. હવે તેને બચાવ કામગીરી દ્વારા બહાર કાઢવામાં આવ્યો છે.
ન્યૂઝ એજન્સી એએનઆઈના અહેવાલ અનુસાર, સુમિતની હાલત નાજુક છે, હાલ બેભાન છે અને તેના શ્વાસ ધીમા ચાલી રહ્યાં છે. ગુનાના મદદનીશ પોલીસ અધિક્ષક માન સિંહ ઠાકુરે જણાવ્યું કે, બચાવ કામગીરી શનિવારે સાંજે 6:00 વાગ્યે શરૂ થઈ અને બીજા દિવસે સવારે 9:30 વાગ્યા સુધી ચાલુ રહી જ્યારે છોકરાને સુરક્ષિત રીતે બહાર કાઢવામાં આવ્યો.
ASP ઠાકુરે જણાવ્યું કે, સુમિત ગઈ કાલે બપોરે 3:30 વાગ્યે બોરવેલમાં પડ્યો હતો. તેને બહાર કાઢવા માટે રેસ્ક્યુ ઓપરેશન લગભગ 6 વાગ્યે શરૂ થયું હતું. સુમિતને આજે સવારે 9:30 વાગ્યે બોરવેલમાંથી બહાર કાઢવામાં આવ્યો હતો. તેના શ્વાસ ધીમા છે.
આ દુર્ભાગ્યપૂર્ણ ઘટના શનિવારે સાંજે રાઠોગઢના જંજલી વિસ્તારમાં બની. સુમિતને બોરવેલમાંથી સુરક્ષિત રીતે બહાર કાઢવા માટે બે બચાવ ટુકડીઓ તૈનાત કરવામાં આવી હતી.
સુમિત લગભગ 39 ફૂટની ઊંડાઈએ ફસાયો હતો, જેથી બચાવ કામગીરીને સરળ બનાવવા માટે 22 ફૂટ ઊંડો ખાડો ખોદવામાં આવ્યો હતો. આ વ્યૂહાત્મક પગલાએ બચાવ ટીમને વધુ અસરકારક રીતે સુમિત સુધી પહોંચવામાં અને જરૂરી સહાય પૂરી પાડવામાં મદદ કરી.
#WATCH | Guna, Madhya Pradesh: The 10-year-old boy, Sumit who fell into a borewell in the Janjali area of Raghogarh yesterday has been taken out and sent to a hospital. Details awaited. pic.twitter.com/5rSjIsv48j
— ANI (@ANI) December 29, 2024
ગુનાના કલેક્ટર સત્યેન્દ્ર સિંહે કહ્યું કે, સુમિત બોરવેલમાં ફસાયો ત્યારે તેને સતત ઓક્સિજન સપોર્ટ આપવામાં આવી રહ્યો હતો. તમામ ટીમો બચાવ કામગીરીમાં વ્યસ્ત હતી.
સુમિતની તબિયત સુનિશ્ચિત કરવા અને તેને બોરવેલમાંથી બહાર કાઢ્યા પછી તાત્કાલિક તબીબી સંભાળ માટે ડૉક્ટરોની એક ટીમ સમગ્ર ઓપરેશન દરમિયાન હાજર રહી હતી.
Click it and Unblock the Notifications
Sign in with Google
