સચિન તેંદુલકર મધ્યપ્રદેશ કોંગ્રેસ માટે કરશે ચૂંટણી પ્રચાર?

નવી દિલ્હી, 21 ઓક્ટોબર : મધ્યપ્રદેશ કોંગ્રેસની ઇચ્છા છે કે આગામી વિધાનસભા ચૂંટણીમાં ક્રિકેટર સચિન તેંદુલકર પાર્ટી માટે ચૂંટણી પ્રચાર કરે. આ બાબતનો ખુલાસો એ બાબત પરથી થાય છે કે મધ્યપ્રદેશ કોંગ્રેસ દ્વારા ચૂંટણીં પંચને આપવામાં આવેલી તેના સ્ટાર પ્રચારકોની યાદીમાં માસ્ટર બ્લાસ્ટર સચિન તેંદુલકરના નામનો સમાવેશ કરવામાં આવ્યો છે.

આ અંગે પાર્ટીના વરિષ્ઠ નેતાઓએ જણાવ્યું કે આ સંદર્ભમાં કેન્દ્રીય મંત્રી જ્યોતિરાદિત્ય સિંધિયા સચિન સાથે વાતચીત કરશે. સચિન તેંદુલકર કોંગ્રેસ માટે વોટ માંગશે કે નહીં તેનો અંતિમ નિર્ણય સચિન તેંદુલકર જ લેશે.

નોંધનીય છે કે આ વર્ષે તેંદુલકરને એપ્રિલ મહિનામાં રાજ્યસભા માટે નામાંકિત કરવામાં આવ્યા હતા. આ માટે નામાંકિત કરવામાં આવ્યા તે પહેલા સચિને કોંગ્રેસ અધ્યક્ષા સોનિયા ગાંધી સાથે મુલાકાત યોજી હતી. આ સમયથી જ સચિન અને કોંગ્રેસના સંબંધો અંને રાજકારણ ગરમ છે. આવા સમયે સ્ટાર પ્રચારકોમાં સચિનનું નામ આવવું આ બાબતને વધારે પ્રબળ બનાવે છે.

English summary

MP Congress wish Sachin Tendulkar to campaign for party