નેશનલ હેરાલ્ડ કેસઃ સોનિયા ગાંધીની આજે ED કરશે પૂછપરછ, આખા દેશમાં કોંગ્રેસનુ વિરોધ પ્રદર્શન
કોંગ્રેસ અધ્યક્ષ સોનિયા ગાંધીને સમન્સ પાઠવવામાં આવ્યુ હતુ જે અંતર્ગત તેઓ આજે સવારે 11 વાગ્યે પૂછપરછ માટે દિલ્હીમાં ઈડીની ઑફિસ જશે.
નવી દિલ્લીઃ એન્ફોર્સમેન્ટ ડિરેક્ટોરેટ (ED) નેશનલ હેરાલ્ડ કેસની ફરીથી તપાસ કરી રહી છે. આ મામલામાં કોંગ્રેસ અધ્યક્ષ સોનિયા ગાંધીને સમન્સ પાઠવવામાં આવ્યુ હતુ જે અંતર્ગત તેઓ આજે સવારે 11 વાગ્યે પૂછપરછ માટે દિલ્હીમાં ઈડીની ઑફિસ જશે. આ મામલામાં આ પહેલા રાહુલ ગાંધી પર સવાલ ઉઠાવવામાં આવ્યા હતા. તે સમયે સોનિયા ગાંધી ખરાબ તબિયતના કારણે જઈ શક્યા ન હતા. બીજી તરફ કોંગ્રેસે ફરી એકવાર સમગ્ર દેશમાં શક્તિ પ્રદર્શનની જાહેરાત કરી છે. જે અંતર્ગત આજે કોંગ્રેસના કાર્યકર્તાઓ દિલ્લી, રાજસ્થાન, છત્તીસગઢ સહિત અનેક રાજ્યોમાં વિરોધ પ્રદર્શન કરશે.

જ્યારે ઈડીએ રાહુલ ગાંધીની પૂછપરછ કરી ત્યારે કોંગ્રેસના કાર્યકરોએ દિલ્લીમાં હોબાળો મચાવ્યો. તે દરમિયાન ઘણા વરિષ્ઠ નેતાઓને કસ્ટડીમાં લેવા પડ્યા હતા. આશંકા છે કે આ પ્રદર્શન અગાઉના પ્રદર્શન કરતા મોટુ હશે. દિલ્લી પોલિસે આ માટે તૈયારી કરી લીધી છે. જે અંતર્ગત કોંગ્રેસ કાર્યાલયની આસપાસના રસ્તાઓ સંપૂર્ણ સીલ કરી દેવામાં આવ્યા હતા. કોંગ્રેસ કાર્યકર્તાઓ ત્યાં હંગામો ન કરે તે માટે ઈડી ઑફિસની નજીક પણ આવી જ વ્યવસ્થા કરવામાં આવી છે.
દેશભરમાંથી કોંગ્રેસના વરિષ્ઠ નેતાઓની દિલ્લી પહોંચવાની પ્રક્રિયા શરૂ થઈ ગઈ છે. ગયા વખતની જેમ આ વખતે પણ કોંગ્રેસ શાસિત છત્તીસગઢ અને રાજસ્થાનના સીએમ આ પ્રદર્શનમાં જોડાઈ શકે છે. એવા સમાચાર છે કે ગુરુવારે સવારે પાર્ટીના વરિષ્ઠ નેતાઓ એકતા દર્શાવવા માટે AICC કાર્યાલયમાં એકઠા થશે. આ પછી સાંસદ કોંગ્રેસ પ્રમુખ સાથે ઈડી ઑફિસ જશે.
તમને જણાવી દઈએ કે ગયા મહિને રાહુલ ગાંધીની પાંચ દિવસમાં લગભગ 50 કલાક પૂછપરછ કરવામાં આવી હતી. તે દરમિયાન તેમનુ નિવેદન પ્રિવેન્શન ઑફ મની લૉન્ડ્રીંગ એક્ટ (PMLA) હેઠળ નોંધવામાં આવ્યુ હતુ. જો કે રાહુલે ઈડીને સંપૂર્ણ સહકાર આપ્યો હતો પરંતુ કોંગ્રેસ કાર્યકર્તાઓએ દેશભરમાં ઉગ્ર પ્રદર્શન કર્યુ હતુ.
-
Gujarat Weather: હવે કમોસમી વરસાદની શક્યતા નહિવત, આગામી દિવસોમાં વધશે ગરમી, જાણો હવામાન વિભાગની આગાહી -
Middle East Crisis: PM મોદી એક્શન મોડમાં, ક્રૂડ ઓઈલ, ગેસ અને ફર્ટિલાઈઝરની સપ્લાય પર મોટો નિર્ણય! -
ગુજરાતના હાઈવે પર હવે નહીં લાગે લાઈનો, વધુ 24 ટોલ પ્લાઝા બનશે બેરિયર-લેસ -
Flight Fare: સરકારે ફ્લાઈટના ભાડા પરથી હટાવ્યું નિયંત્રણ, એરલાઈન્સને મળી ખુલ્લી છૂટ, શું વધશે ટિકિટના ભાવ? -
સોના-ચાંદીના ભાવમાં મોટો કડાકો, જાણો આજના તાજા ભાવ -
VerSe Innovation : નફાકારકતા અને AI તરફ મજબૂત ડગલુ, ભવિષ્યમાં IPO લાવવાની યોજના -
IPL 2026: કઈ ટીમનું નેતૃત્વ કોણ કરશે? ઈશાન કિશનથી લઈને ઋતુરાજ સુધીના તમામ કેપ્ટનોની યાદી, જાણો -
અમેરિકાના ટેક્સાસમાં વેલેરો રિફાઇનરીમાં વિસ્ફોટ થતા હંગામાનો માહોલ -
Weather News: યુપી-એમપી-બિહાર સહિત 8 રાજ્યોમાં ભારે વરસાદનો કહેર, જાણો હવામાન વિભાગની આગાહી -
Flight tickets: પેટ્રોલ-LPG પછી હવે મોંઘી થશે હવાઈ મુસાફરી? ઉડ્ડયન મંત્રીએ આપ્યો આ જવાબ -
ગુજરાતમાં આજથી ચણા-રાયડાની ટેકાના ભાવે ખરીદી શરૂ, 2.96 લાખ ખેડૂતોને ફાયદો થશે -
ગુજરાતમાં પેટ્રોલની અછત હોવાની વાત ફેલાતા હંગામો, જાણો સરકારે શું કહ્યું?










Click it and Unblock the Notifications
