News18 Mega Opinion Poll: ઉત્તર પ્રદેશમાં એનડીએની બંપર જીત, 80માંથી 77 સીટો પર જીતની સંભાવના
News18 Mega Opinion Poll: ન્યૂઝ 18ના મેગા ઓપિનિયન પોલમાં ઉત્તર પ્રદેશમાં એનડીએ બંપર જીત મેળવે તેવી સંભાવના છે. લોકસભાની 80માંથી 77 બેઠકો એનડીએના ફાળે જઈ શકે છે.
વળી, ઈન્ડિયા ગઠબંધનને બે બેઠકો મળી શકે છે. તમને જણાવી દઈએ કે લોકસભા ચૂંટણી પહેલા ન્યૂઝ 18 દ્વારા દેશના 21 રાજ્યોમાં મહા સર્વે કરવામાં આવ્યો છે.
નોંધનીય છે કે ઉત્તર પ્રદેશમાં લોકસભાની 80 બેઠકો છે. વર્ષ 2019ની લોકસભા ચૂંટણીમાં પણ ભાજપે 78 સીટો પર ચૂંટણી લડી હતી, જેમાંથી 62 સીટો પર જીત મેળવી હતી.
ઓપિનિયન પોલ મુજબ વોટ ટકાવારીની વાત કરીએ તો 2024ની લોકસભા ચૂંટણીમાં NDAને ઉત્તર પ્રદેશમાં 57% વોટ, ઈન્ડિયા ગઠબંધનને 26% વોટ ટકાવારી મળવાનુ અનુમાન છે. વળી, ઉત્તર પ્રદેશમાં બસપાને 9% વોટ જ્યારે અન્ય પક્ષોને 8% વોટ મળવાની શક્યતા છે.
ઉલ્લેખનીય છે કે આ મેગા ઓપિનિયન પોલ 12 ફેબ્રુઆરીથી 1 માર્ચની વચ્ચે કરવામાં આવ્યો હતો, જેમાં 1 લાખ 8 હજાર 780 લોકોના મંતવ્યો લેવામાં આવ્યા હતા.
Click it and Unblock the Notifications
Sign in with Google
