પુડુચેરી સરકારનો મોટો નિર્ણય, હવે મહિલાઓને ઘરના કામ માટે 2 કલાક છુટ મળશે
એક તરફ પરિવાર અને બીજી તરફ નોકરી કે વ્યવસાયને સારી રીતે ચલાવી લેતી મહિલાઓની મુશ્કેલીઓ ઓછી કરતા પુડુચેરી સરકારે મોટો નિર્ણય કર્યો છે. હવે પુડુચેરી સરકાર મહિલાઓને ઘરના કામકાજ અને પુજા માટે 2 કલાકની વધારાની છુટ આપશે.
પુડુચેરી સરકારે અઠવાડિયાના ત્રીજા શુક્રવારે મહિલાઓને ઓફિસમાં બે કલાક મોડા આવવાની છૂટ આપી છે. હવે મહિલાઓ સમય કરતા બે કલાક કામ પર મોડા આવી શકશે. ડોગ-મીડિયેટેડ હડકવા નાબૂદી માટે રાજ્ય કાર્ય યોજનાના વિકાસ પર બે દિવસીય વર્કશોપના ઉદ્ઘાટન દરમિયાન સરકારે આ જાહેરાત કરી છે.
પુડુચેરીના લેફ્ટનન્ટ ગવર્નર ડૉ. તમિલિસાઈ સુંદરરાજને જણાવ્યું કે, મુખ્યમંત્રી એન. રંગાસામી સાથે ચર્ચા દરમિયાન તેમણે કામ પર મહિલાઓ માટે બે કલાકની છૂટછાટની માંગ કરી હતી. જે મંજૂર કરવામાં આવી છે. આ મહિલાઓને કામ માટે પ્રોત્સાહિત કરશે. આ જાહેરાત બાદ મહિલાઓમાં ખુશીનો માહોલ છે.
મહિલાઓને આ છુટ્ટ શુક્રવારની નમાજ અને ઘરના કામકાજ માટે આપવામાં આવી છે. તેની મદદથી મહિલાઓ તેમના ઘર અને ઓફિસ બંનેને યોગ્ય રીતે સમય આપી શકશે.
જો કે, જે મહિલાઓ આવશ્યક અને જાહેર સેવાઓનો ભાગ છે તેમને આ છૂટનો લાભ મળી શકશે નહીં. આમાં મુખ્યત્વે શાળાઓ, પોલીસ સ્ટેશનો, હોસ્પિટલોનો સમાવેશ થાય છે.
Click it and Unblock the Notifications
Sign in with Google
