માત્ર PM મોદીનું નામ નહીં ચાલે, બદલવા પડશે મુખ્યમંત્રી

નવી દિલ્હી : વર્ષ 2014માં જ્યારે ભારતીય જનતા પાર્ટીએ નરેન્દ્ર મોદીને લોકસભા ચૂંટણી માટે વડાપ્રધાન પદના ઉમેદવાર બનાવ્યા, ત્યારે ભાગ્યે જ કોઈએ વિચાર્યું હશે કે નરેન્દ્ર મોદી માત્ર સંપૂર્ણ બહુમતીથી જીતશે જ નહીં, પરંતુ 2019માં ફરી એકવાર આ જંગી જીતનું પુનરાવર્તન કરશે.

વડાપ્રધાન મોદીએ માત્ર રાજકીય વિશ્લેષકો અને તેમના રાજકીય પ્રતિસ્પર્ધીઓને ખોટા સાબિત નથી કર્યા, પરંતુ લગભગ 8 વર્ષ સુધી કેન્દ્રમાં રહીને પણ પોતાની લોકપ્રિયતા જાળવી રાખવામાં સફળ રહ્યા છે. વડાપ્રધાન મોદીની સ્વીકૃતિ આજે પણ દેશભરના લોકોમાં છે. જો કે, આ બધાની સાથે એક મોટી વાત એ છે કે, હવે ભારતીય જનતા પાર્ટી માટે એકલા વડાપ્રધાન મોદીના આધારે અન્ય રાજ્યોમાં જીત નોંધાવવી સરળ નથી.

તમામ મુશ્કેલીઓ વચ્ચે પણ વડાપ્રધાન મોદીની લોકપ્રિયતા બરકરાર

આવતા મહિને દેશના પાંચ મહત્વના રાજ્યોમાં વિધાનસભાની ચૂંટણી છે અને ફરી એકવાર વડાપ્રધાન નરેન્દ્ર મોદી ત્રણેય રાજ્યોમાં ભાજપ માટે સૌથી મોટી બ્રાન્ડતરીકે જોવામાં આવી રહ્યા છે.

છેલ્લા બે વર્ષથી જે રીતે કોરોના મહામારીએ દેશના આર્થિક મોરચાને તોડી નાખ્યું છે, ચીન સાથે સરહદી વિવાદ ચાલી રહ્યો હતો અનેલગભગ દોઢ વર્ષથી ખેડૂતોએ કેન્દ્ર સરકારના નવા કૃષિ કાયદાનો વિરોધ કર્યો હતો.

જે બાદ પણ લોકોનો ભરોસો વડાપ્રધાન મોદી પ્રત્યે કાયમ રહ્યો છે. ઈન્ડિયા ટુડે સીવોટર મૂડ ઓફ ધ નેશન પોલમાં PM મોદીનું રેટિંગ હજૂ પણ અકબંધ છે.

એકલા મોદી માટે મુશ્કેલ રસ્તો

વર્ષ 2014માં જ્યારે ભાજપ નરેન્દ્ર મોદીના નેતૃત્વમાં સત્તામાં આવી, ત્યારે તેમની લોકપ્રિયતાના આધારે ભાજપે 12 રાજ્યોમાં પોતાની સરકાર બનાવી હતી.

પાંચરાજ્યોના મુખ્યમંત્રીઓ વડાપ્રધાન મોદીની મદદથી કામ કરી રહ્યા છે. ખુદ વડાપ્રધાન તેને ડબલ એન્જિનની સરકાર કહે છે, પરંતુ જો તેનું વિશ્લેષણ કરીએ તો ભાજપેઆ સૂત્ર પર ફરીથી વિચાર કરવાની જરૂર છે.

પાંચ રાજ્યોમાં વિધાનસભાની ચૂંટણી છે, જ્યાં વડાપ્રધાનની લોકપ્રિયતા ઘણી સારી છે, પરંતુ દેશના સૌથી લોકપ્રિયમુખ્યમંત્રીઓની યાદીમાં ભાજપ શાસિત રાજ્યોના મુખ્યમંત્રીઓ પાછળ છે.

ટોચના 9 મુખ્યપ્રધાનોમાં ભાજપના માત્ર એક જ મુખ્યમંત્રી

દેશના સૌથી લોકપ્રિય મુખ્યમંત્રીની વાત કરીએ તો ઓડિશાના મુખ્યમંત્રી નવીન પટનાયક 71.1 ટકા રેટિંગ સાથે પ્રથમ સ્થાને, મમતા બેનર્જી 69.9 ટકા રેટિંગ સાથેબીજા સ્થાને, 67.5 ટકા રેટિંગ સાથે એમકે સ્ટાલિન ત્રીજા સ્થાને છે.

61.8 ટકા રેટિંગ સાથે ચોથા નંબરે ઉદ્ધવ ઠાકરે, 61.1 ટકા રેટિંગ સાથે પાંચમા નંબરે પિનરાઈ વિજયન,57.9 ટકા રેટિંગ સાથે અરવિંદ કેજરીવાલ, 56.6 ટકા રેટિંગ સાથે હિમંતા બિસ્વા શર્મા, 51.4 ટકા રેટિંગ સાથે 8માં ભૂપેશ બઘેલ, 44.9 ટકા રેટિંગ સાથે અશોક અલૌંગગેહલોત નવમા નંબરે છે.

એટલે કે ટોચના 9 નેતાઓમાં માત્ર એક ભાજપ શાસિત રાજ્યના મુખ્યમંત્રી હિમંતા બિસ્વા શર્મા પોતાનું સ્થાન બનાવવામાં સફળ રહ્યા છે.

BJP/NDA શાસિત રાજ્યોના CMનું રેટિંગ

આસામ, ગુજરાત, ઉત્તરાખંડ, ઉત્તર પ્રદેશ, મધ્ય પ્રદેશના મુખ્યમંત્રીઓનું રેટિંગ 40 ટકાથી ઉપર છે. આવા સમયે હિમાચલ પ્રદેશ, કર્ણાટક અને બિહારનું રેટિંગ જ્યાંભાજપ અથવા તેની ગઠબંધન સરકાર 35-40 ટકાની વચ્ચે છે.

હરિયાણા, કર્ણાટક, પોડિંચેરી, ગોવામાં બીજેપી/એનડીએના મુખ્યમંત્રીઓની રેટિંગ 27-35 ટકાની વચ્ચેછે. ઉત્તર પ્રદેશની વાત કરીએ તો 48.7 ટકા લોકો યોગી આદિત્યનાથથી સંતુષ્ટ છે, જ્યારે ઉત્તર પ્રદેશના 75 ટકા લોકો વડાપ્રધાન મોદીથી ખુશ છે.

જો આપણે પાંચચૂંટણી રાજ્યોની વાત કરીએ તો ઉત્તર પ્રદેશમાં વડાપ્રધાનનું રેટિંગ 75 ટકા, ગોવામાં 67 ટકા, મણિપુરમાં 73 ટકા, ઉત્તરાખંડમાં 59 ટકા, પંજાબમાં 37 ટકા છે.

વડાપ્રધાન મોદીની સ્વીકૃતિ વધી

સર્વેમાં ભાગ લેનારા 58 ટકા લોકો મોદી સરકારના કામથી ઘણા સંતુષ્ટ છે. જ્યારે 63 ટકા લોકો વડાપ્રધાન મોદીના કામથી વ્યક્તિગત રીતે સંતુષ્ટ છે.

મહત્વની વાતએ છે કે, ગયા વર્ષે ઓગસ્ટ મહિનામાં વડાપ્રધાન મોદીનું પરફોર્મન્સ રેટિંગ ઘટીને 54 ટકા થઈ ગયું હતું, પરંતુ ફરી એકવાર વડાપ્રધાન મોદી પર લોકોનો વિશ્વાસ વધીગયો છે.

જો કે વડાપ્રધાન મોદીની લોકપ્રિયતા ફરી વધી છે, પરંતુ ઓગસ્ટ 2020ની સરખામણીમાં હજૂ પણ ઘણી ઓછી છે. વડાપ્રધાન મોદીનું રેટિંગ ઓગસ્ટ 2020માંસૌથી વધુ 78 ટકા હતું, જ્યારે કોરોનાની પ્રથમ લહેર તેની ટોચ પર હતી.

વડાપ્રધાન મોદીની લોકપ્રિયતાની સરખામણીમાં કોઈ વિપક્ષી નેતા તેમની નજીક પણ નથી.કોંગ્રેસના વરિષ્ઠ નેતા રાહુલ ગાંધીનું રેટિંગ 46 ટકા છે. ઓગસ્ટ 2021માં આ અંતર ઓછું થયું, જ્યારે 24 ટકા લોકોએ મોદીને અને 10 ટકા લોકોએ રાહુલ ગાંધીને મતઆપ્યો છે.

લોકોનો વિશ્વાસ જાળવી રાખો

દેશના આગામી વડાપ્રધાન તરીકે પ્રથમ પસંદગી કોણ છે, વડાપ્રધાન મોદી આ રેન્કમાં ટોચ પર છે. વડાપ્રધાન મોદીને જાન્યુઆરી 2021માં 28 ટકા, ઓગસ્ટ 2021માં24 ટકા, જાન્યુઆરી 2022માં 52.5 ટકા, જ્યારે રાહુલ ગાંધીને જાન્યુઆરી 2021માં 7 ટકા, ઓગસ્ટ 2021માં 10 ટકા, જાન્યુઆરી 2022માં 6.8 ટકા મતદાન થયું હતું.

જોઆપણે કોરોના મહામારીના બે વર્ષ પછીની સ્થિતિ પર નજર કરીએ, તો દેશમાં અત્યાર સુધીમાં 3.82 કરોડથી વધુ કોરોના કેસ નોંધાયા છે, જ્યારે 4.9 લાખ લોકોએજીવ ગુમાવ્યો છે.

આ હોવા છતાં 22.2 ટકા લોકો માને છે કે, NDA સરકારે કોરોના મહામારીને વધુ સારી રીતે નિયંત્રિત કરી છે.

English summary

Only popularity of PM Modi is not enough for BJP. now Chief Ministers name are also big challenge.