ભારતીય સીમામાં પાકિસ્તાને વિસ્ફોટક સુરંગો ગોઠવી

નવી દિલ્હી, 16 જાન્યુઆરી : અનેક ચેતવણીઓ આપવા છતાં પાકિસ્તાનની સેના તેના નાપાક ઇરાદાઓને છોડી રહી નથી. ભારત - પાકિસ્તાન નિયંત્રણ રેખા પર છેલ્લા એક સપ્તાહથી સતત ગોળીબારી કરતી પાકિસ્તાની સેનાએ હવે ભારતીય સીમામાં વિસ્ફોટક સુરંગો બિછાવી છે. આ અંગેની તસવીરો આજે ભારતીય લશ્કરે જાહેર કરી હતી.

પાકિસ્તાનની સેના એક યા બીજી રીતે ચાલ ચાલીને બદઇરાદાઓને અંજામ આપી રહી છે. પાકિસ્તાનની સેના સરહદ પર ભારતીય હદમાં ઘૂસીને લેન્ડમાઇન (વિસ્ફોટક સુરંગ) લગાવી રહી છે.

આ બાબત પરથી સ્પષ્ટ થાય છે કે પાછલા કેટલાક દિવસોથી ભારતીય સેનાને આ પ્રકારની લેન્ડમાઇન્સ મળી રહી છે. આ માઇન્સ પર પાકિસ્તાનના શસ્ત્રાગારની ફેક્ટરીના નિશાન પણ છે.

ઉલ્લેખનીય છે કે બંને દેશો વચ્ચે સોમવારે બ્રિગેડિયર સ્તરની ફ્લેગ મીટિંગ યોજવામાં આવી હતી. આ મીટિંગમાં ભારતે માઇન્સના પુરાવા પાકિસ્તાનને સૌંપ્યા હતા.

English summary

Pak army placed landmines in Indian territory.