આતંકી અહેસાનુલ્લાહની મોદીને ધમકી, લઇને રહેશે ગુજરાતનો બદલો!

Updated: Wednesday, November 5, 2014, 13:52 [IST]

નવી દિલ્હી, 5 નવેમ્બર: વાઘા બોર્ડર પર લોહિયાળ હોળી રમનારા આતંકવાદી એહસાનુલ્લાહે વડાપ્રધાન નરેન્દ્ર મોદીને ધમકી આપતા જણાવ્યું છે કે તે કાશ્મીર અને ગુજરાતનો બદલો લઇને રહેશે. વાઘા બોર્ડર પર આતંકી હુમલાની જવાબદારી લેનારા આતંકવાદી સંગઠન તહરીક-એ-તાલિબાન પાકિસ્તાન જામત અહરારના પ્રવક્તા એહસાનુલ્લાહે ટ્વિટ કરતા ધમકી આપી છે કે ગુજરાત અને કાશ્મીરમાં હિંસા માટે વડાપ્રધાન નરેન્દ્ર મોદી પાસે બદલો લેવામાં આવશે.

એક અખબાર અનુસાર છેલ્લા એક પખવાડીયામાં વડાપ્રધાન નરેન્દ્ર મોદીને બે વાર આ અંગે જણાવવામાં આવ્યું છે. ગુપ્તચર એજન્સીઓએ ઝેહાદી સંગઠનોની ગતિવિધિયોને પોતાના રડાર પર નોંધી રાખી છે.

નોંધનીય છે કે વાઘા બોર્ડર પર થયેલા હુમલામાં પાકિસ્તાનના 60થી વધારે લોકોના મોત થઇ ગયા હતા અને લગભગ 200 લોકોના ઘાયલ થવાના સમાચાર હતા. પાકિસ્તાનમાં લોહીયાળ હોળી રમ્યા બાદ હવે અહેસાનુલ્લાહે ભારતમાં પણ હુમલો કરવાની ધમકી આપી છે.

અહેસાને જણાવ્યું કે આ વાઘા બોર્ડર પર હુમલો પાકિસ્તાન અને ભારત, બંનેની હુકુમતોને સંદેશ આપવા માટે હતો. અહેસાને જણાવ્યું કે આ ફિદાયીન હુમલો હાફિઝ હનીફુલ્લાહ નામના એક શખ્શે કર્યો છે. નોંધનીય છે કે જમાત એહરાર ઉપરાંત જનદુલ્લાહ અને તહરીક-એ-તાલિબાન પાકિસ્તાનના મેહર મેહસૂદ ગ્રૂપે પણ આ હુમલાની જવાબદારી લીધી છે.