પલવલમાં સામુહિક આપઘાત : એક જ પરિવારના 5 લોકોએ વખ ઘોળ્યું

ઔરંગાબાદ ગામમાં બુધવારના રોજ સવારે ત્રણ સગીર સહિત એક પરિવારના પાંચ સભ્યો મૃત હાલતમાં મળી આવ્યા હતા. પોલીસે જણાવ્યું હતું કે, પ્રાથમિક તપાસમાં જાણવા મળ્યું છે કે, એક 33 વર્ષીય વ્યક્તિ, જે ઘરનો મોભી છે.

હરિયાણા : પલવલ જિલ્લાના ઔરંગાબાદ ગામમાં બુધવારના રોજ સવારે ત્રણ સગીર સહિત એક પરિવારના પાંચ સભ્યો મૃત હાલતમાં મળી આવ્યા હતા. પોલીસે જણાવ્યું હતું કે, પ્રાથમિક તપાસમાં જાણવા મળ્યું છે કે, એક 33 વર્ષીય વ્યક્તિ, જે ઘરનો મોભી છે, તેણે તેની પત્ની, પુત્ર, પુત્રી અને ભત્રીજીને મારવા માટે કથિત રીતે ઝેર આપ્યું હતું અને પછી કથિત રીતે આત્મહત્યા કરી હતી.

પોલીસે જણાવ્યું કે, 33 વર્ષીય વ્યક્તિ સામે તેના પિતાની ફરિયાદના આધારે હત્યાનો કેસ નોંધવામાં આવશે, જેમણે પોલીસને મોત અંગે જાણ કરી હતી. પોલીસે જણાવ્યું હતું કે, ગુના પાછળ કૌટુંબિક તકરાર કારણભૂત હોવાની શંકા છે.

આ ઘટના મંગળવારની મોડી રાત્રે બની હતી અને બુધવારના રોજ સવારે 7.30 વાગ્યાની આસપાસ ફરિયાદીએ જાણ થઇ કે, સવારે કોઈ ઘરની બહાર આવ્યું નથી, ત્યારે ઘટના સામે આવતા પોલીસને જાણ કરવામાં આવી હતી.

એક વરિષ્ઠ પોલીસ અધિકારીએ જણાવ્યું કે, પ્રાથમિક તપાસમાં જાણવા મળ્યું છે કે, ઘરના માલિકે તેની પત્ની, તેના 11 વર્ષના પુત્ર, તેની 7 વર્ષની પુત્રી અને તેની 9 વર્ષની ભત્રીજીને ઝેર આપ્યું હતું. તેમને ઝેર આપ્યા બાદ આ વ્યક્તિએ આત્મહત્યા કરીને કથિત રીતે મૃત્યુ પામ્યા હતા. જો કે કોઈ સુસાઈડ નોટ મળી નથી. તમામ મૃતદેહો એક રૂમમાંથી મળી આવ્યા હતા. આ સામુહિક આત્મહત્યાનું કારણે કૌટુંબિક ઝઘડા હોવાનું માનવામાં આવી રહ્યું છે.

પોલીસે જણાવ્યું હતું કે, તેના પરિવારના સભ્યોને ઝેર આપ્યા બાદ આ વ્યક્તિએ તેઓને મોતને ઘાટ ઉતારી દીધા હતા. ફરિયાદીએ આ કેસમાં બહારના વ્યક્તિની શંકા ઉભી કરી નથી. પોલીસે જણાવ્યું કે, મૃતદેહોને પલવલ સિવિલ હોસ્પિટલમાં પોસ્ટમોર્ટમ માટે મોકલવામાં આવ્યા છે.

English summary

The complainant has not raised suspicion of an outsider in the case. The bodies have been sent for an autopsy to Palwal civil hospital, said the police.