પેટ્રોલ 85 પૈસા સસ્તું, ભાવ મધરાતથી લાગુ

Updated: Monday, April 1, 2013, 19:30 [IST]

નવીદિલ્હી, 1 એપ્રિલઃ મોંઘવારીનો માર સહન કરી રહેલી સામાન્ય જનતા માટે સોમવારે રાહતના સમાચાર આવ્યા છે. ઓઇલ કંપનીઓએ પેટ્રોલની કિંમતમાં 85 પૈસા પ્રતિ લીટરનો ઘટાડો કર્યો છે. ઘટાયેલો ભાવ આજે અડધી રાતતી લાગુ કરવામાં આવશે. ગત મહિને પણ પેટ્રોલના ભાવમાં અંદાજે દોઢ રૂપિયા સુધીનો ઘટાડો કરવામાં આવ્યો છે. તાજા ઘટાડાયેલા ભાવોમાં સ્થાનિક વેટને જોડવામાં આવ્યો નથી.

આ પહેલા પેટ્રોલની કિંમતમાં એક માર્ચથી વિભિન્ન કરોમાં અતિરિક્ત 1.40 રૂપિયાનો વધારો કરવામાં આવ્યો છે. આ વૃદ્ધિને લઇને સંસદમાં હંગામો થયો હતો. આ પહેલા 15 ફેબ્રુઆરીમાં પણ પેટ્રોલના ભાવમાં 1.50 રૂપિયાનો વધારો કરવામાં આવ્યો હતો. જો કે, 15 માર્ચે પેટ્રોલા ભાવમાં 2 રૂપિયા સુધીનો ઘટાડો કરવામાં આવ્યો હતો.

નોંધનીય છે કે, ક્રુડ તેલના આંતરરાષ્ટ્રીય ભાવમાં ઘટાડો થતાં દેશમાં સબ્સિડી વગરનાં એલપીજી સિલિન્ડરના ભાવમાં ત્રણ રૂપિયાનો ઘટાડો કરી દેવામાં આવ્યો છે. 14.2 કિ.ગ્રા.નું આ એલપીજી સિલિન્ડર ગ્રાહકો સબ્સિડીવાળા 9 સિલિન્ડરોનો વાર્ષિક ક્વોટા પૂરો થયા બાદ ખરીદે છે. હવે સોમવારથી આ સિલિન્ડર એમને રૂપિયા 901.50ના ભાવે પડશે, એમ ઈન્ડિયન ઓઈલ કોર્પોરેશને જણાવ્યું છે.