Shaktikanta Das : કોણ છે નરેન્દ્ર મોદીના નવા સચિવ શક્તિકાંત દાસ?
Shaktikanta Das : ભારતીય રિઝર્વ બેંકના પૂર્વ ગવર્નર શક્તિકાંત દાસને પ્રધાનમંત્રી નરેન્દ્ર મોદી (PM Modi)ના મુખ્ય સચિવ (Principal Secretary) તરીકે નિમવામાં આવ્યા છે.
કેન્દ્રીય કેબિનેટની નિયુક્તિ સમિતિ (ACC) દ્વારા મંજૂરી મળ્યા બાદ શનિવારે કાર્મિક અને તાલીમ વિભાગ (DoPT) દ્વારા આ અંગે સત્તાવાર જાહેરાત કરવામાં આવી.
પદ અને જવાબદારી
શક્તિકાંત દાસ હવે પ્રધાનમંત્રીના મુખ્ય સચિવ-2 (Principal Secretary-2) તરીકે સેવા આપશે અને પીકે મિશ્રા સાથે કામ કરશે, જે 11 સપ્ટેમ્બર 2019થી PM મોદી ના મુખ્ય સચિવ તરીકે કાર્યરત છે.
શક્તિકાંત દાસની શૈક્ષણિક અને વ્યાવસાયિક પૃષ્ઠભૂમિ
શક્તિકાંત દાસ 1980 બેચના તમિલનાડુ કેડરના નિવૃત્ત ભારતીય પ્રશાસનિક સેવા (IAS) અધિકારી છે. તેઓએ દિલ્હી સ્થિત પ્રખ્યાત સેંટ સ્ટીફન્સ કોલેજમાંથી અભ્યાસ કર્યો છે.
પ્રશાસનિક ભૂમિકા અને અનુભવો
તેમના કારકિર્દી દરમિયાન દાસે તમિલનાડુ સરકાર અને કેન્દ્ર સરકાર બંનેમાં મહત્વપૂર્ણ પદો પર સેવા આપી છે. તે નાણાં મંત્રાલયમાં ફાઇનાન્સ સચિવ (Finance Secretary), ખાતર સચિવ (Fertilizer Secretary) અને અન્ય મહત્ત્વના પદો પર રહી ચૂક્યા છે.
RBI ગવર્નર તરીકેની ભૂમિકા
શક્તિકાંત દાસે ડિસેમ્બર 2018માં RBI ના ગવર્નર તરીકે પદભાર સંભાળ્યો હતો. તેમની આગેવાનીમાં ભારતીય અર્થવ્યવસ્થાએ વિવિધ વૈશ્વિક પડકારોનો સામનો કર્યો, જેમાં કોવિડ-19 મહામારી અને રશિયા-યુક્રેન યુદ્ધની આર્થિક અસરનો સમાવેશ થાય છે.
10 ડિસેમ્બર 2024ના રોજ RBIના ગવર્નર તરીકે નિવૃત્ત થયા બાદ શક્તિકાંત દાસને PM મોદીના મુખ્ય સચિવ તરીકે મહત્વપૂર્ણ જવાબદારી સોંપવામાં આવી છે.
શક્તિકાંત દાસની નિમણૂક ઉપરાંત, સરકાર દ્વારા નીતિ આયોગના CEO બી.વી.આર. સુબ્રહ્મણ્યમ (BVR Subrahmanyam)ના કાર્યકાળને 24 ફેબ્રુઆરી 2025 સુધી એક વર્ષ માટે વધારવાનો નિર્ણય લેવામાં આવ્યો છે. 1987 બેચના નિવૃત્ત IAS અધિકારી સુબ્રહ્મણ્યમ ફેબ્રુઆરી 2023માં નીતિ આયોગના CEO તરીકે નિયુક્ત થયા હતા.
Click it and Unblock the Notifications
Sign in with Google
