PM Modi Egypt Visit: પીએમ મોદીને ઇજિપ્તમાં ઓર્ડર ઓફ ધ નાઈલ' એવોર્ડથી સન્માનીત કરાયા
ભારતના વડાપ્રધાન નરેન્દ્ર મોદી અમેરિકાનો પ્રવાસ પૂર્ણ કર્યા બાદ બે દિવસીય ઈજિપ્તની મુલાકાતે છે. મુલાકાતના બીજા દિવસે પીએમ મોદીએ રાજધાની કૈરોમાં રાષ્ટ્રપતિ અબ્દેલ ફત્તાહ અલ-સીસી સાથે મુલાકાત કરી હતી.
આ દરમિયાન ઈજિપ્તના રાષ્ટ્રપતિ અબ્દેલ ફત્તાહ અલ-સીસીએ પીએમ મોદીને 'ઓર્ડર ઓફ ધ નાઈલ' એવોર્ડથી સન્માનિત કર્યા હતા. તમને જણાવી દઈએ કે 'ઓર્ડર ઓફ ધ નાઈલ' ઈજિપ્તનું સર્વોચ્ચ રાજ્ય સન્માન છે.
છેલ્લા નવ વર્ષમાં પીએમ મોદીને ઘણા આંતરરાષ્ટ્રીય એવોર્ડ મળ્યા છે. આ 13મું સર્વોચ્ચ રાજ્ય સન્માન છે જે વિશ્વના વિવિધ દેશોએ પીએમ મોદીને એનાયત કર્યું છે. ગયા મહિને 3 દેશોએ પીએમ મોદીને તેમના સર્વોચ્ચ નાગરિક સન્માનથી સન્માનિત કર્યા હતા.
પલાઉ રિપબ્લિક અને ફિજીએ 22 મેના રોજ પાપુઆ ન્યૂ ગિનીમાં યોજાયેલી ફોરમ ફોર ઈન્ડિયા પેસિફિક આઈલેન્ડ કો-ઓપરેશન એટલે કે FIPICની બેઠકમાં PM મોદીને તેમના દેશનો સર્વોચ્ચ પુરસ્કાર પણ આપ્યો હતો. આ પહેલા પણ સાઉદી અરેબિયા, UAE સહિત 9 દેશો તેમને સન્માનિત કરી ચૂક્યા છે.
આ પહેલા પીએમ મોદીએ કૈરોમાં ઈજિપ્તના રાષ્ટ્રપતિ અબ્દેલ ફતાહ અલ-સીસી સાથે મુલાકાત કરી હતી. આ સમયગાળા દરમિયાન અનેક દ્વિપક્ષીય એમઓયુ પર હસ્તાક્ષર કરવામાં આવ્યા હતા.
વડા પ્રધાન મોદી પશ્ચિમ એશિયા અને ઉત્તર આફ્રિકન ક્ષેત્રની સૌથી મોટી ઇજિપ્તની કંપનીઓમાંની એકના સીઇઓ હસન આલમ અને જાણીતા લેખક તારેક હેગી સહિત અનેક મહાનુભાવોને મળ્યા હતા. વિદેશ મંત્રાલયના પ્રવક્તા અરિંદમ બાગચીએ ટ્વિટ કરીને આ અંગેની માહિતી આપી છે.
આ પહેલા પીએમ મોદીએ કૈરોમાં હેલિયોપોલિસ વોર સેમેટ્રીની મુલાકાત લીધી હતી. હેલિયાપોલિસ વોર મેમોરિયલ ભારત માટે ખૂબ જ ખાસ માનવામાં આવે છે. પ્રથમ વિશ્વયુદ્ધમાં શહીદ થયેલા લગભગ ચાર હજાર સૈનિકોની શૌર્યગાથાઓ આજે પણ આ યુદ્ધ સ્મારક પર નોંધાયેલી છે. પીએમ મોદીએ પણ આ શહીદોને નમન કરીને શ્રદ્ધાંજલિ આપી હતી.
Click it and Unblock the Notifications
Sign in with Google
