TMCની સરકાર જશે, ત્યારે આવશે સાચું પરિવર્તન, પશ્ચિમ બંગાળની મમતા સરકાર પર PM મોદીના પ્રહાર

PM નરેન્દ્ર મોદીએ પશ્ચિમ બંગાળની એક રેલી સંબોધતા કહ્યું હતું કે રાજ્યનો વિકાસ અસંભવ છે, જ્યાં સુધી TMCની દીવાલ નહિ પડે ત્યાં સુધી વિકાસ સંભવ નથી.

PM Modi in West Bengal: PM નરેન્દ્ર મોદીએ સોમવારે પશ્ચિમ બંગાળમાં એક રેલીને સંબોધિત કરી હતી અને રાજ્યના વિકાસમાં TMC સરકારને મોટો અવરોધ ગણાવ્યો હતો. તેમણે કહ્યું હતું કે બંગાળ પરિવર્તન અને વિકાસ ઇચ્છે છે, પરંતુ રાજ્ય સરકાર વિકાસના માર્ગમાં દિવાલ બની ઉભી છે. PM મોદીએ અહીં 5,400 કરોડના પ્રોજેક્ટ્સનું ઉદ્ઘાટન અને શિલાન્યાસ કર્યો હતો.

TMC સરકાર વિકાસના રસ્તામાં મોટી દીવાલ છે : PM મોદી

PM મોદીએ TMC પર નિશાન સાધતા કહ્યું કે, TMC0 સરકાર બંગાળના વિકાસની સામે દિવાલની જેમ ઉભી છે. જે દિવસે આ દિવાલ તૂટી જશે, તે દિવસથી જ બંગાળ વિકાસની ગતિ પકડી લેશે. તેમણે ફરી કહ્યું કે 'TMC સરકાર જશે, ત્યારે જ સાચું પરિવર્તન આવશે.'

બંગાળને આ ખરાબ સમયમાંથી બહાર કાઢવાનું છે : PM મોદી

PM મોદીએ શ્રાવણ મહિનાની શુભકામનાઓ સાથે પોતાના ભાષણની શરૂઆત કરી અને કહ્યું કે 'આ પવિત્ર સમયમાં બંગાળના વિકાસ ઉત્સવનો ભાગ બનવું એ મારું સૌભાગ્ય છે.' તેમણે કહ્યું કે આજે જે પરિયોજનાઓની શરુઆત થઈ છે, તે બંગાળને વર્તમાન ખરાબ તબક્કામાંથી બહાર કાઢવાનું પ્રતીક છે.

5,400 કરોડ રૂપિયાના પ્રોજેક્ટ્સ, સમૃદ્ધ બંગાળનું સપનું

PM મોદીએ માહિતી આપી હતી કે થોડા સમય પહેલા 5,400 કરોડ રૂપિયાના પ્રોજેક્ટ્સનું ઉદ્ઘાટન અને શિલાન્યાસ કરવામાં આવ્યો છે. તેમણે કહ્યું કે ભાજપે પશ્ચિમ બંગાળ માટે સમૃદ્ધ અને વિકસિત ભવિષ્યનું સ્વપ્ન જોયું છે, અને આ પ્રોજેક્ટ્સ તે સ્વપ્નને સાકાર કરવા તરફ એક મોટું પગલું છે.

બંગાળમાં હવે સ્થળાંતર થઈ રહ્યું છે: PM મોદી

પોતાના સંબોધનમાં PM મોદીએ બેરોજગારી અને સ્થળાંતર પર પણ ચિંતા વ્યક્ત કરી. તેમણે કહ્યું કે એક સમયે લોકો રોજગાર માટે બંગાળ આવતા હતા, પરંતુ આજે પરિસ્થિતિ સંપૂર્ણપણે વિપરીત થઈ ગઈ છે. તેમણે કહ્યું કે, આજે પશ્ચિમ બંગાળના યુવાનો નાની નોકરીઓ માટે પણ અન્ય રાજ્યોમાં સ્થળાંતર કરવા મજબૂર છે.

PM મોદીએ કહ્યું- 'BJPને એક તક આપો'

PMએ રાજ્યના લોકોને અપીલ કરી અને કહ્યું, BJP વતી, હું તમને વિનંતી કરું છું કે BJPને એક તક આપો. એવી સરકાર પસંદ કરો જે મહેનતુ, પ્રામાણિક અને મજબૂત હોય.

English summary

When the TMC government goes, real change will come, PM Modi attacks the Mamata government in West Bengal