'1500 કાયદા ખતમ, એક કરોડ લખપતિ દીદી' પીએમ મોદીએ લાલ કિલ્લાથી ગણાવી પોતાની ઉપલબ્ધિઓ
PM Modi on Red Fort: પીએમ મોદીએ કહ્યું કે બેંકો આપણા MSM અને નાના પાયાના ઉદ્યોગો માટે સૌથી મોટી મદદગાર છે. તેમને રોજિંદી જરૂરિયાતો માટે પૈસાની જરૂર છે. બેંકો આ માટે વધુ સારી કામગીરી કરી રહી છે.
આજે આપણે શાસનનું મોડલ બદલી નાખ્યું છે, આજે સરકાર પોતે જ લાભાર્થીના ઘરે જાય છે, સરકાર પોતે જ લોકોને પાણી પહોંચાડે છે, તેમને વીજળી આપે છે. અમારી સરકાર મોટા સુધારા માટે પ્રતિબદ્ધ છે. આજે પર્યટન ક્ષેત્ર હોય, MSME ક્ષેત્ર હોય, શિક્ષણ ક્ષેત્ર હોય, વાહનવ્યવહાર ક્ષેત્ર હોય, રમતગમત ક્ષેત્ર હોય કે ખેતી ક્ષેત્ર હોય, દરેક ક્ષેત્રમાં એક નવી આધુનિક વ્યવસ્થા ઉભી કરવામાં આવી રહી છે.
PMએ કહ્યું કે અમે લોકોના જીવનમાં સરકારી દખલગીરી ઘટાડવા માટે પણ આ દિશામાં કામ કર્યું છે. અમે દેશવાસીઓ માટે 1,500થી વધુ કાયદાઓ નાબૂદ કર્યા છે, જેથી દેશવાસીઓએ કાયદાની જાળમાં ફસાઈ ન જવું પડે.
દેશમાં એક નવી સિસ્ટમ બનાવવામાં આવી રહી છે. દેશને આગળ લઈ જવા માટે નીતિઓ બનાવવામાં આવી રહી છે. જેના કારણે યુવાનોમાં આત્મવિશ્વાસ અને નવી ચેતના વધી છે. આજે વિશ્વમાં ભારતની પ્રતિષ્ઠા વધી છે. નવી શક્યતાઓ વધી છે.
મારા દેશના યુવાનો સતત પ્રગતિમાં માને છે. ભારત માટે આ સુવર્ણકાળ છે, આપણે આ તકને જવા દેવી જોઈએ નહીં. જો આપણે આ તક ઝડપી લઈશું અને આપણા સપના અને સંકલ્પ સાથે આગળ વધીશું તો આપણે આપણા લક્ષ્યને પ્રાપ્ત કરી શકીશું.
અમે સ્વ-સહાય જૂથને 10 લાખથી 20 લાખ રૂપિયા આપવાનું નક્કી કર્યું છે. અત્યાર સુધી, અમારા મહિલા સ્વ-સહાય જૂથોને બેંકો દ્વારા 9 લાખ કરોડ રૂપિયા મળ્યા છે. જેની મદદથી મહિલાઓ અનેક આર્થિક પ્રવૃત્તિઓમાં વધારો કરી રહી છે.
અમે બેન્કિંગ સેક્ટરને મજબૂત કરવા ઘણા સુધારા કર્યા છે. તેના કારણે આજે આપણી બેંકોએ વિશ્વની અગ્રણી બેંકોમાં પોતાનું સ્થાન બનાવ્યું છે. જ્યારે બેંકો મજબૂત બને છે, ત્યારે ઔપચારિક અર્થતંત્રની તાકાત પણ વધે છે.
Click it and Unblock the Notifications
Sign in with Google
