Pornography Case: રાજ કુન્દ્રાને બોમ્બે હાઈકોર્ટનો મોટો ઝટકો!
અશ્લીલ ફિલ્મો બનાવવાના આરોપોનો સામનો કરી રહેલા ઉદ્યોગપતિ અને અભિનેત્રી શિલ્પા શેટ્ટીના પતિ રાજ કુન્દ્રાને અત્યારે કોઈ રાહત મળે તેમ લાગતું નથી.
અશ્લીલ ફિલ્મો બનાવવાના આરોપોનો સામનો કરી રહેલા ઉદ્યોગપતિ અને અભિનેત્રી શિલ્પા શેટ્ટીના પતિ રાજ કુન્દ્રાને અત્યારે કોઈ રાહત મળે તેમ લાગતું નથી. શનિવારે, બોમ્બે હાઈકોર્ટે રાજ કુંદ્રા અને તેના સાથીદાર રેયાન થોર્પેની જ્યુડિશિયલ કસ્ટડીના આદેશને પડકારતી અરજીને ફગાવી દીધી હતી, જેમાં તાત્કાલિક મુક્તિની માંગ કરી હતી. અત્યારે રાજ કુંદ્રા અને રાયને મેજિસ્ટ્રેટ કોર્ટના આદેશ મુજબ ન્યાયિક કસ્ટડીમાં રહેવું પડશે.
ઉલ્લેખનીય છે કે, રાજ કુન્દ્રાની ગયા મહિને 19 જુલાઈએ એડલ્ટ ફિલ્મો બનાવવા અને એપ પર અપલોડ કરવા બદલ ધરપકડ કરવામાં આવી હતી. આ પછી, રાજ કુન્દ્રા અને તેના સાથી રેયાન થોર્પેને 27 જુલાઇ સુધી પોલીસ કસ્ટડીમાં રાખવામાં આવ્યા હતા, જ્યાંથી મેજિસ્ટ્રેટ કોર્ટે બાદમાં 14 દિવસની ન્યાયિક કસ્ટડીમાં મોકલી આપ્યા હતા. હવે રાજ કુન્દ્રા અને તેના સાથીએ બોમ્બે હાઈકોર્ટમાં તેમની મુક્તિ અને ન્યાયિક કસ્ટડીના આદેશને પડકારતી અરજી કરી હતી, જેને આજે કોર્ટે ફગાવી દીધી હતી.
પિતાની ધરપકડ બાદ પુત્ર વિઆન રાજ કુન્દ્રાએ વિવાદ વચ્ચે સોશિયલ મીડિયા પર તેની પ્રથમ પોસ્ટ શેર કરી હતી. વિઆને સોશિયલ મીડિયા પર તેની માતા અને અભિનેત્રી શિલ્પા સાથે ત્રણ ફોટોગ્રાફ્સનો આલ્બમ શેર કર્યો હતો. જેમાં શિલ્પા એક ફોટોમાં વિયાનને આલિંગન અને કિસ કરતી જોવા મળી રહી છે. વિઆનની પોસ્ટ સાથે કોઈ કેપ્શન લખેલું નથી. વિઆને સ્ટોરી સ્ટેટસમાં સ્ટેટમેન્ટ પણ સામેલ કર્યું છે, જે તેની માતા શિલ્પા શેટ્ટીએ પોસ્ટ કર્યું હતું. આ પોસ્ટ શિલ્પાએ સમગ્ર મામલે સત્તાવાર નિવેદન જારી કર્યાના એક દિવસ પછી આવી છે.