ગીત ગાઈને પ્રિયંકા ચતુર્વેદીએ સ્મૃતિ ઈરાનીનો મજાક ઉડાવ્યો

કેન્દ્રીય મંત્રી સ્મૃતિ ઈરાનીએ જે રીતે અમેઠીથી પોતાનું નોમિનેશન દાખલ કર્યું છે અને પોતાની શૈક્ષણિક યોગ્યતા વિશે જાણકારી આપી છે તેના પર વિપક્ષ તેમના પર સતત પ્રહાર કરી રહ્યું છે. કેન્દ્રીય મંત્રી પર પ્રહાર કરતા કોંગ્રેસ પ્રવક્તા પ્રિયંકા ચતુર્વેદીએ ટવિટ કરીને સ્મૃતિ ઈરાનીના જુના એફિડેવિટ પર કટાક્ષ કર્યો છે. તેમને કહ્યું કે નવી સિરિયલ આવશે, મંત્રી ભી કભી ગ્રેજ્યુએટ થી. પ્રિયંકા ચતુર્વેદીએ સ્મૃતિ ઈરાનીના જુના અને નવા એફિડેવિટ સામે રાખ્યા છે.

આજે પ્રેસ કોન્ફ્રન્સ કરીને પ્રિયંકા ચતુર્વેદીએ સ્મૃતિ ઈરાની પર પ્રહાર કર્યો છે. તેમને કહ્યું કે એક નવી સિરિયલ આવી રહી છે, મંત્રી ભી કભી ગ્રેજ્યુએટ થી. તેની ઓપનિંગ લાઈન શુ હશે તે પણ જણાવી દઉં છું. ત્યારપછી પ્રિયંકા ચતુર્વેદીએ ગીત ગાતા કહ્યું કે, ક્વોલિફિકેશન કે ભી રૂપ બદલતે હૈ, નયે નયે સાંચે મેં ઢલતે હૈ, એક ડિગ્રી આતી હૈ, એક ડિગ્રી જાતી હૈ, બનતે એફિડેવિટ નયે.

#WATCH Congress' Priyanka Chaturdevi: A new serial is going to come, 'Kyunki Mantri Bhi Kabhi Graduate Thi'; Its opening line will be 'Qualifications ke bhi roop badalte hain, naye-naye sanche mein dhalte hain, ek degree aati hai, ek degree jaati hai, bante affidavit naye hain. pic.twitter.com/o8My3RX9JR

— ANI (@ANI) April 12, 2019

આપને જણાવી દઈએ કે ગુરુવારે સ્મૃતિ ઈરાનીએ અમેઠી લોકસભા સીટથી પોતાનું નોમિનેશન દાખલ કર્યું છે. તેમાં તેમને આ વાતની જાણકારી આપી કે બીકોમ માટે તેમને દિલ્હી યુનિવર્સીટીમાં એડમિશન લીધું હતું પરંતુ તેઓ પહેલા વર્ષનો અભ્યાસ પણ પૂરો નહીં કરી શક્યા. સ્મૃતિ ઈરાનીના આ એફિડેવિટ પર પ્રિયંકા ચતુર્વેદીએ કટાક્ષ કર્યો છે. આપને જણાવી દઈએ કે રાજ્યસભા ચૂંટણી દરમિયાન સ્મૃતિ ઈરાનીએ એફિડેવિટમાં કહ્યું હતું કે તેઓ ગ્રેજ્યુએટ છે.

આ પણ વાંચો: આખરે ખુદ સ્મૃતિ ઈરાનીએ જણાવ્યું, તેઓ છે માત્ર 12 પાસ

English summary

Priyanka Chaturvedi mocks Smriti Iraani sings a song Kyunki Mantriji bhi kabhi graduate thi