વિપક્ષીઓએ રાહુલની જે છબી બનાવી છે તે સત્યથી ઘણી દૂર છેઃ વાયનાડમાં પ્રિયંકા

પ્રિયંકા ગાંધી વાડ્રા કેરળના વાયનાડ પહોંચ્યા હતા. અહીં તેમણે લોકસભા સીટના ઉમેદવાર અને કોંગ્રેસના અધ્યક્ષ પોતાના ભાઈ માટે ચૂંટણી પ્રચાર પણ કર્યો.

લોકસભા ચૂંટણી માટે બે તબક્કામાં મતદાન પૂરુ થઈ ચૂક્યુ છે. એવામાં પૂર્વી ઉત્તર પ્રદેશના પ્રભારી પ્રિયંકા ગાંધી વાડ્રા કેરળના વાયનાડ પહોંચ્યા હતા. અહીં તેમણે લોકસભા સીટના ઉમેદવાર અને કોંગ્રેસના અધ્યક્ષ પોતાના ભાઈ માટે ચૂંટણી પ્રચાર પણ કર્યો. આ દરમિયાન જનતાને સંબોધિત કરતા પ્રિયંકાએ કહ્યુ - હું જે વ્યક્તિ માટે અહીં આવી છુ તેને હું જન્મના દિવસથી જાણુ છુ.

તેમણે આગળ કહ્યુ કે 'રાહુલ તમારા આ ચૂંટણીમાં તમારા ઉમેદવાર હશે અને છેલ્લા દસ વર્ષો દરમિયાન પોતાના વિપક્ષતરફથી તે ઘણા વ્યક્તિગત હુમલા ઝેલી ચૂક્યા છે. તેમની છબી એવી બનાવી દેવામાં આવી છે જે સત્યથી ઘણી દૂર છે.' પ્રિયંકાએ ભાજપ પર હુમલો કરતા કહ્યુ કે 5 વર્ષ પહેલા એક સરકાર ભારે બહુમતથી જીતીને કેન્દ્રમાં આવી હતી. આપણા દેશની જનતાને તેના પર પૂર્ણ વિશ્વાસ બતાવ્યો અને ભાજપ પાસે આશા રાખી. સત્તામાં આવ્યા બાદથી જ આ સરકારે લોકોના ભરોસાને તોડ્યો.

આ ઉપરાંત જનતાને સંબોધિત કરતા પ્રિયંકાએ ભાજપ વિશે કહ્યુ કે - આ લોકોએ વિચારવાનું શરૂ કરી દીધુ કે તાકાત તેમની પાસે છે લોકો પાસે નહિ. આનો પહેલો સંકેત ત્યારે જ મળી ગયો હતો જ્યારે તેમના પોતાના અધ્યક્ષે ચૂંટણી ખતમ થતા જ 15 લાખના ચૂંટણી વચનને ચૂંટણી વચન ગણાવી દીધુ.

English summary

priyanka gandhi in wayanad says i am here for the one i know since childhood