પંજાબઃ DC હવે વેબએક્સ એપથી સાંભળશે સામાન્ય જનતાની ફરિયાદો, જાણો કેવી રીતે?
પંજાબમાં સની દેઓલના સંસદીય ક્ષેત્ર ગુરદાસપુરના ડીસી મોહમ્મદ ઈશ્ફાક હવે WebX એપ દ્વારા સામાન્ય લોકોની ફરિયાદો સાંભળશે.
ગુરદાસપુરઃ પંજાબમાં સની દેઓલના સંસદીય ક્ષેત્ર ગુરદાસપુરના ડીસી મોહમ્મદ ઈશ્ફાક હવે WebX એપ દ્વારા સામાન્ય લોકોની ફરિયાદો સાંભળશે. ઑનલાઈન મીટીંગમાં ભાગ લેવા માટે જીલ્લાના લોકો હવે વેબએક્સ એપ પોતાના મોબાઈલમાં ડાઉનલોડ કરી શકશે અને લીંક https://dcofficegurdaspur.my.webex.com/meet/dcgsp પર જઈને મીટિંગ નંબર 1589213224 ભરીને ઑનલાઈન મીટિંગમાં ભાગ લઈ શકશે.
નોંધનીય છે કે ડીસી સતત જિલ્લાના લોકોની ફરિયાદોનુ નિવારણ કરતા રહે છે. જેના દ્વારા લોકો તેમની ફરિયાદો અથવા ફરિયાદોનું નિરાકરણ મેળવે છે. ડીસી સાથેની ઑનલાઈન મીટિંગની લિંક હવે બદલાઈ ગઈ છે. એટલે કે પહેલા આ મીટીંગ ઝૂમ એપ દ્વારા થતી હતી પરંતુ હવે મીટીંગ વેબએક્સ એપ દ્વારા થઈ રહી છે.
ડીસી મોહમ્મદ ઈશ્ફાકે જણાવ્યુ હતુ કે લોકોના પ્રશ્નોના નિરાકરણ માટે જિલ્લા વહીવટી તંત્ર કટિબદ્ધ છે અને દૂર-દૂરથી લોકો ઘરે બેસીને તેમના પ્રશ્નોનુ નિરાકરણ કરી રહ્યા છે. તેમણે વધુમાં જણાવ્યુ હતુ કે જિલ્લાના લોકો સોમવારથી શુક્રવાર સુધી દરરોજ સવારે 11થી બપોરે 12 વાગ્યા સુધી તેમની ફરિયાદ ઑનલાઈન નોંધાવી શકશે.
Click it and Unblock the Notifications
Sign in with Google
