Punjab News: શિક્ષણ મંત્રી હરજોત સિંહ સંગરુર સિવિલ હોસ્પિટલ પહોંચ્યા, વિદ્યાર્થીઓના પૂછી તબીયત
Punjab News: પંજાબમાં ફૂડ પોઈઝનિંગ કેસની તપાસ ચાલી રહી છે. આ દરમિયાન હરજોત સિંહ બેન્સે અધિકારીઓને ફૂડ પોઈઝનિંગના કારણે બીમાર પડેલા વિદ્યાર્થીઓની યોગ્ય સારવારની વ્યવસ્થા કરવા માટે જણાવ્યું છે. સોમવારના રોજ મુખ્યમંત્રી પોતે સિવિલ હોસ્પિટલ પહોંચ્યા હતા, અને બિમાર વિદ્યાર્થીઓની હાલત પૂછી હતી.
સોમવાર (4 ડિસેમ્બર)ના રોજ સિવિલ હોસ્પિટલ સંગરુર પહોંચેલા શિક્ષણ મંત્રી બેન્સે મેરીટોરીયસ સ્કૂલ સંગરુરના વિદ્યાર્થીઓ સાથે વાત કરી જેઓ બીમાર પડ્યા હતા. આ દરમિયાન તેમણે ફૂડ પોઈઝનિંગના કારણે બીમાર પડેલા વિદ્યાર્થીઓની સ્થિતિ વિશે પૂછપરછ કરી હતી અને તેમના દ્વારા આપવામાં આવતી આરોગ્ય સમિક્ષા કરવામાં આવી હતી.
મેરિટોરિયસ સ્કૂલ સંગરુરના વિદ્યાર્થીઓને મળ્યા બાદ મંત્રી હરજોત સિંહ બેન્સે સોશિયલ મીડિયા પર એક પોસ્ટ દ્વારા આ માહિતી આપી હતી. તેમણે જણાવ્યું હતું કે, તમામ વિદ્યાર્થીઓ હવે સંપૂર્ણ સ્વસ્થ થઈ ગયા છે. સ્કૂલ મેસ કોન્ટ્રાક્ટરનું લાઇસન્સ રદ કરવામાં આવ્યું છે, અને કોન્ટ્રાક્ટર અને મેસ ઈન્ચાર્જ વિરુદ્ધ આઈપીસીની કલમ 307 હેઠળ કેસ નોંધવામાં આવ્યો છે.
વિદ્યાર્થીઓની ફરિયાદ પર સમયસર પગલાં ન લેવા બદલ મેરિટોરિયસ સ્કૂલ સંગરુરના પ્રિન્સિપાલને પણ તાત્કાલિક અસરથી સસ્પેન્ડ કરવામાં આવ્યા છે. આરોગ્ય અને શિક્ષણ વિભાગની ટીમો આજે પંજાબની બાકીની મેરીટોરીયસ શાળાઓમાં ભોજન અને અન્ય વ્યવસ્થાઓની તપાસ કરી રહી છે.
મેરીટોરીયસ શાળામાં અભ્યાસ કરતા દરેક વિદ્યાર્થીને એક ફીડબેક ફોર્મ મોકલવામાં આવી રહ્યું છે, અને વિદ્યાર્થીઓના તમામ સૂચનો અને ફરિયાદોનું વ્યક્તિગત રીતે વિભાગની મુખ્ય કચેરી દ્વારા દેખરેખ રાખવામાં આવશે.
જાણો શું છે ઘટના - વાલીઓએ સંગરુરના ખાબડા સ્થિત મેરીટોરીયસ સ્કૂલ પર બાળકોને ખરાબ ખોરાક આપવાનો આરોપ લગાવ્યો છે. બાળકોની હાલત વધુ બગડતાં તેમને સરકારી હોસ્પિટલમાં દાખલ કરવામાં આવ્યા હતા. ગભરાયેલા બાળકોના વાલીઓએ શાળા પ્રશાસન સામે વિરોધ નોંધાવ્યો હતો.
વાલીઓનો આક્ષેપ છે કે, દિવાળીથી બાળકોને હલકી ગુણવત્તાનો ખોરાક આપવામાં આવી રહ્યો છે. હોસ્પિટલમાં દાખલ બાળકોનું કહેવું છે કે, શાળા પ્રશાસન તેમને સારું ભોજન પૂરું પાડતું નથી. જેના કારણે દરેક વ્યક્તિ બીમાર પડી રહી છે. આ સાથે આરોપ છે કે, છેલ્લા ત્રણ દિવસથી બાળકોને પેટમાં દુખાવો થઈ રહ્યો હતો, પરંતુ તેની પણ કાળજી લેવામાં આવી ન હતી.
Click it and Unblock the Notifications
Sign in with Google
