રાહુલ ગાંધી યુરોપના પ્રવાસે થયા રવાના, જી20 શિખર સંમેલન ખતમ થયા બાદ આવશે ભારત
Rahul Gandhi Europe Visit: દિલ્હીમાં જી-20 સમિટનું આયોજન કરવામાં આવી રહ્યું છે. G-20 સમિટ 9-10 સપ્ટેમ્બરે યોજાવા જઈ રહી છે. ભારત આ વખતે G-20 સમિટની અધ્યક્ષતા કરી રહ્યું છે. જી-20 સમિટ માટે દિલ્હી સંપૂર્ણ રીતે તૈયાર છે.
આ દરમિયાન સમાચાર આવી રહ્યા છે કે કોંગ્રેસના પૂર્વ અધ્યક્ષ રાહુલ ગાંધી જી-20 સમિટ પહેલા યુરોપના પ્રવાસે રવાના થઈ ગયા છે. સમિટ પૂરી થયા બાદ તે ભારત પરત ફરશે.
રાહુલ ગાંધી આજે એટલે કે બુધવારે યુરોપના પ્રવાસે રવાના થયા છે. આ દરમિયાન પૂર્વ કોંગ્રેસ અધ્યક્ષ યુરોપિયન યુનિયનના વકીલો, વિદ્યાર્થીઓ અને ભારતીય પ્રવાસીઓ સાથે મુલાકાત કરશે. તે 11 સપ્ટેમ્બરે ભારત પરત ફરશે. તમને જણાવી દઈએ કે G-20 સમિટ 10 સપ્ટેમ્બરના રોજ સમાપ્ત થઈ રહી છે.
રાહુલ ગાંધીનો યુરોપીયન પ્રવાસ 5 દિવસનો હશે. હવે તે 11 સપ્ટેમ્બરે ભારત પરત ફરશે. તેઓ 5 દિવસ માટે યુરોપની મુલાકાત લેશે. આ દરમિયાન તે ઘણી સેલિબ્રિટી અને એનઆરઆઈને મળશે. રાહુલ ગાંધી તેમના પાંચ દિવસના યુરોપ પ્રવાસ દરમિયાન પેરિસ જઈ રહ્યા છે, જ્યાં તેઓ બ્રસેલ્સમાં યુરોપિયન યુનિયનના સભ્યોની બેઠકમાં ભાગ લેશે.
આ સિવાય તે પેરિસની યુનિવર્સિટીના વિદ્યાર્થીઓને પણ સંબોધિત કરી શકે છે. તેઓ ઓસ્લોમાં ભારતીય પ્રવાસીઓને પણ સંબોધિત કરશે. સૂત્રોનું માનીએ તો રાહુલ ગાંધી 8મી સપ્ટેમ્બરે પેરિસની એક યુનિવર્સિટીના વિદ્યાર્થીઓને સંબોધિત કરશે. આ પછી 9 સપ્ટેમ્બરે તેઓ પેરિસમાં ફ્રાન્સના લેબર ઓર્ગેનાઈઝેશનની બેઠકમાં ભાગ લેશે. ઉપરાંત, તેઓ નોર્વેમાં ભારતીય સમુદાયના લોકોને સંબોધિત કરી શકે છે.
તમને જણાવી દઈએ કે દિલ્હીમાં આયોજિત G-20 સમિટમાં વિશ્વના 20 શક્તિશાળી દેશોના રાષ્ટ્રાધ્યક્ષો ભાગ લઈ રહ્યા છે. મોદી સરકાર આ માટે સંપૂર્ણ તૈયારી કરી રહી છે. દિલ્હી સરકારે વિદેશી મહેમાનોના સ્વાગત માટે રાષ્ટ્રીય રાજધાનીના તમામ દરવાજાઓને શણગાર્યા છે. દીવાલો પર ચિત્રો બનાવવામાં આવ્યા છે.
Click it and Unblock the Notifications
Sign in with Google
