Rahul Gandhi On RSS : વકફ બાદ હવે RSS ની નજર ખ્રિસ્તી સંસ્થાઓની જમીન પર? રાહુલ ગાંધીનો મોટો દાવો

Rahul Gandhi On RSS : લોકસભા અને રાજ્યસભામાં પસાર કરાયેલ વકફ સંશોધન બિલને લઈને દેશની રાજનીતિ તેજ છે. દેશના બંધારણપ્રેમીઓ અને વિપક્ષી પાર્ટીઓ તેને બંધારણ વિરોધી ગણાવી રહી છે.

કોંગ્રેસ સહિતના વિરોધ પક્ષોએ આ બિલનો ભારે વિરોધ કર્યો છે. આ તમામ વિવાદ વચ્ચે રાહુલ ગાંધીના એક દાવાએ RSS ને લઈને નવી ચર્ચા છેડી છે.

રાહુલ ગાંધીએ સોશિયલ મીડિયા પર સંઘના મેગેઝિન Organiser ના એક લેખનો સ્ક્રીનશૉટ શેર કર્યો અને દાવો કર્યો કે, કેથોલિક ચર્ચ અને ખ્રિસ્તી સંસ્થાઓ પાસે ભારતમાં 7 કરોડ હેક્ટર જમીન છે.

તેમણે લખ્યું કે, વકફ બિલ હાલ મુસ્લિમ સમુદાયને નિશાન બનાવે છે પરંતુ ભવિષ્યમાં અન્ય સમુદાયોને પણ અસર કરશે. હવે આરએસએસનું ધ્યાન ખ્રિસ્તીઓ તરફ વળ્યું છે.

તેમણે જણાવ્યું કે બંધારણ જ આપણા હકોની એકમાત્ર ઢાલ છે અને તેની રક્ષા આપણી સામૂહિક ફરજ છે. જણાવી દઈએ કે, વિપક્ષોએ આ બિલને ધાર્મિક સ્વતંત્રતા અને સમુદાયની સંપત્તિ પર હુમલા તરીકે ગણાવ્યુ છે તો સરકાર વકફ સંપત્તિમાં પારદર્શિતા લાવવાનો દાવો કરી રહી છે.

I had said that the Waqf Bill attacks Muslims now but sets a precedent to target other communities in the future.

It didn’t take long for the RSS to turn its attention to Christians.

The Constitution is the only shield that protects our people from such attacks - and it is… pic.twitter.com/VMLQ22nH6t

— Rahul Gandhi (@RahulGandhi) April 5, 2025

આ વિવાદે એકવાર ફરી રાજ્ય-ધર્મ સંબંધ અને બંધારણીય મૂલ્યો અંગે નવી ચર્ચાને જન્મ આપ્યો છે. આ બિલ સાથે બીજેપીની મુસ્લિમ વિરોધી નીતિઓ અને ગૈરબંધારણીય કાયદા બનાવવાની રીત પર પણ ઘણા સવાલ થઈ રહ્યાં છે.

English summary

Rahul Gandhi Claims RSS Now Targeting Christian Institutions After Waqf Bill Row