રાહુલ ગાંધી પાંચ દિવસની યુરોપ યાત્રા પર થશે રવાના, ભારતીય સમુદાયને કરશે સંબોધિત
Rahul Gandhi Europe Visit: કોંગ્રેસના વરિષ્ઠ નેતા રાહુલ ગાંધી સપ્ટેમ્બરના પ્રથમ સપ્તાહમાં યુરોપના પ્રવાસે જઈ રહ્યા છે. સૂત્રોના જણાવ્યા અનુસાર રાહુલ ગાંધી પાંચ દિવસના યુરોપ પ્રવાસ પર જઈ રહ્યા છે. રાહુલ ગાંધી એવા સમયે યુરોપના પ્રવાસે જઈ રહ્યા છે જ્યારે દિલ્હીમાં G-20 સમિટ ચાલી રહી છે. મહત્વની વાત એ છે કે આ વખતે ભારત જી20ની યજમાની કરી રહ્યું છે.
અહેવાલો અનુસાર, રાહુલ ગાંધી તેમના પાંચ દિવસના યુરોપ પ્રવાસ દરમિયાન પેરિસ જઈ રહ્યા છે, જ્યાં તેઓ બ્રસેલ્સમાં યુરોપિયન યુનિયનના સભ્યોની બેઠકમાં ભાગ લેશે. આ સિવાય તે પેરિસની યુનિવર્સિટીના વિદ્યાર્થીઓને પણ સંબોધિત કરી શકે છે. ઓસ્લોમાં ભારતીય પ્રવાસીઓને પણ સંબોધિત કરશે.
સૂત્રોનું માનીએ તો રાહુલ ગાંધી 8મી સપ્ટેમ્બરે પેરિસની એક યુનિવર્સિટીના વિદ્યાર્થીઓને સંબોધિત કરશે. આ પછી 9 સપ્ટેમ્બરે તેઓ પેરિસમાં ફ્રાન્સના લેબર ઓર્ગેનાઈઝેશનની બેઠકમાં ભાગ લેશે. આ ઉપરાંત, તેઓ નોર્વેમાં ભારતીય સમુદાયના લોકોને સંબોધિત કરી શકે છે. એટલું જ નહીં, રાહુલ ગાંધી યુરોપની મુલાકાત દરમિયાન પ્રેસ કૉન્ફરન્સ પણ કરશે.
Click it and Unblock the Notifications
Sign in with Google
