રાજસ્થાન Live: પીએમ મોદીએ તમામ મતદાતાઓને વોટિંગ કરવા અપીલ કરી

રાજસ્થાન Live: મોદીએ તમામ મતદાતાઓને વોટિંગ કરવા અપીલ કરી

નવી દિલ્હીઃ રાજસ્થાનમાં વિધાનસભાની 199 સીટ માટે આજે મતદાતાઓ પોતાનો મતાધિકારનો ઉપયોગ કરશે. વોટિંગ પ્રક્રિયા સવારે 8 વાગ્યાથી શરૂ થઈ ગઈ છે. ચૂંટણી પંચ તરફથી જણાવવામાં આવ્યું છે કે વોટિંગને લઈને તમામ તૈયારીઓ પૂર્ણ થઈ ગઈ છે. ભારત-પાકિસ્તાન આંતરરાષ્ટ્રીય બોર્ડર નજીક હોવાથી આ રાજ્યમાં કડક સુરક્ષા વ્યવસ્થા ગોઠવી દેવામાં આી છે. વોટિંગ માટે 2 લાખથી વધુ ઈવીએમ-વીવીપટનો ઉપયોગ કરવામાં આવશે. જાણકારી મુજ ઈવીએમની સાથે રાજ્યભરમાં વીવીપટનો ઉપયોગ પહેલીવાર થઈ રહ્યો છે. આ વખતે 20 લાખથી વધુ મતદાતા પહેલીવાર મતદાન કરશે. આ વખતે વિધાનસભા ચૂંટણીમાં મુખ્ય મુકાબલો સત્તાધારી ભાજપ અને વિપક્ષ પાર્ટી કોંગ્રેસ વચ્ચે છે. બીજીવાર સત્તામાં વાપસી માટે જ્યાં ભાજપના રણનીતિકારોએ પૂરી તાકાત લગાવી દીધી, ખુદ પ્રધાનમંત્રી નરેન્દ્ર મોદીએ ભારે પ્રચાર કર્યો. બીજી બાજુ કોંગ્રેસે સત્તા વિરોધી લહેર પોતાની તરફ વાળવા માટે આક્રમક ચૂંટણીલક્ષી અભિયાન ચલાવ્યું. હાલ મતદાતાઓનો ફેસલો વિપક્ષના પક્ષમાં જશે કે નહિં તે તો 11 ડિસેમ્બરે જ માલુમ પડશે.

English summary

Rajasthan Assembly Elections 2018 live updates of polling in the rajasthan