Rajasthan Election : જાણો રાજસ્થાનના સૌથી નાના મતદાન કેન્દ્રની મોટી વાત, જાણો શું છે ખાસ?
રાજસ્થાનમાં અશોક ગેહલોત સરકાર બચાવવા મેદાને છે તો બીજેપી રાજ્યની સત્તા પર કબ્જો કરવા મેદાને પડી છે. આ સ્થિતી વચ્ચે રાજસ્થાનના સૌથી નાના મતદાન કેન્દ્રની ચર્ચા થઈ રહી છે.
રાજસ્થાનમાં વિધાનસભા ચૂંટણી માટે 25 નવેમ્બરે મતદાન થવા જઈ રહ્યું છે ત્યારે ચૂંટણી પંચે ભારત-પાકિસ્તાન સરહદ પર સ્થિત ગામમાં એક મતદાન મથક સ્થાપિત કર્યુ છે. આ રાજસ્થાનમાં સૌથી નાનું મતદાન મથક છે.
રાજસ્થાન ચૂંટણી માટેના આ સૌથી નાના બૂથની ખાસ વાત એ છે કે તેમાં મતદારોની સંખ્યા 35 છે. જેમાં 18 મહિલા અને 17 પુરૂષ મતદારો છે. આ તમામ પણ એક જ પરિવારના છે. આ 35 મતદારોને મત આપવા 10 થી 20 કિલોમીટર દૂરના બૂથ પર જવું પડતું હતું.
અંતરિયાળ વિસ્તાર હોવાને કારણે અહીં વાહનવ્યવહારના કોઈ સાધનો નથી. આ સ્થિતીમાં આ મતદારોએ પહેલા પગપાળા અથવા ઊંટ પર સવાર થઈને મત આપવા પહોંચતા હતા.
હવે ચૂંટણી પંચે આ બૂથને ઘર નજીક ભારતમાલા રોડ પર બાડમેર જિલ્લાના પારા ખાતે આવેલી સરકારી પ્રાથમિક શાળામાં ખસેડ્યુ છે. ભારત-પાકિસ્તાન સરહદથી ચાર કિલોમીટરના અંતરે થાર રણમાં સ્થિત આ બૂથનો નંબર 201 છે. અહીંના બીએલઓ હીરાલાલ છે.
વન ઈન્ડિયા હિન્દી સાથે વાત કરતા બૂથ લેવલ ઓફિસર હીરાલાલે જણાવ્યુ કે, આ બૂથ પર ચૂંટણીમાં 100 ટકા મતદાન થયું છે. એક જ પરિવારના મતદારો છે. આ પરિવારનો એક ભાઈ થોડે દૂર રહે છે, પરંતુ મતદાન સમયે તે પણ પરિવારના અન્ય સભ્યો સાથે મતદાન કરવા આવે છે.
Click it and Unblock the Notifications
Sign in with Google
