'ફાંસો ખાવાથી થયું ગેંગરેપના આરોપી રામસિંહનું મોત'

નવી દિલ્હી, 12 માર્ચઃ દિલ્હી ગેંગરેપના મુખ્ય આરોપી રામસિંહના મૃતદેહનું એમ્સ ખાતે આજે પોસ્ટમોર્ટમ કરવામાં આવ્યુ છે. સૂત્રોના હવાલાથી મળેલા અહેવાલ અનુસાર પ્રારંભિક પોસ્ટમોર્ટમ રિપોર્ટમાં એ વાત સામે આવી છે કે, રામસિંહનું મોત ફાંસો ખાવાથી થયું છે. સોમવારે સવારે તિહાર જેલના બેરેકમાં રામસિંહે આત્મહત્યા કરી હતી.

જેલ પ્રશાસન અનુસાર દિલ્હીની તિહાર જેલમાં પોતાના બેરેકમાં રામસિંહે ગળે ફાંસો લગાવી આત્મહત્યા કરી લીધી હતી, પરંતુ પ્રશાસનના આ નિવેદનને રામસિંહના પરિવારજનો અન તેના વકીલે પાયાવિહોણું ગણાવ્યું હતું. પરિવારજનોનું કહેવું છે કે, રામસિંહનો એક હાથ ખરાબ હતો, તેવામાં તે આત્મહત્યા કરી શકે તેમ નથી. બીજી તરફ રામસિંહના વકીલનું પણ કેહવું છે કે રામસિંહને જેલમાં ઘણો ત્રાસ આપવામાં આવતો હતો અને તેની હત્યા પાછળ આ ત્રાસ કારણભૂત છે.

નોંધનીય છે કે એક વિદ્યાર્થિની સાથે રામસિંહ અને તેના પાંચ સાથીઓએ દક્ષિણ દિલ્હીમાં સામુહિક બળાત્કાર ગુજાર્યો હતો. તેમણે બળાત્કાર પહેલા વિદ્યાર્થિની અને તેના પુરુષ મિત્રને ક્રુરતાપુર્વક માર્યા હતા. યુવતીનું 29 ડિસેમ્બરે સિંગાપોરની એક હોસ્પિટલમાં મોત નિપજ્યું હતું.

English summary

As per preliminary post mortem report, December 16 Delhi gang-rape accused Ram Singh had died due to hanging; ruling out the possibility that he was strangulated to death.