Republic Day 2023 : ગણતંત્ર દિવસે મુખ્ય મહેમાન હશે આ દેશના રાષ્ટ્રપતિ

Republic Day 2023 : ભારતના ગણતંત્ર દિવસ એટલે કે પ્રજાસત્તાક દિવસની ઉજવણીના મુખ્ય મહેમાન તરીકે ઇજિપ્તના રાષ્ટ્રપતિ ફત્તાહ અલ સિસીને આમંત્રણ આપવામાં આવ્યું છે. આ આમંત્રણ આફ્રિકા અને આરબ દેશોમાં ભારતીની સમાન પહોંચના રૂપમાં જોવામાં આવી રહ્યું છે. ઉલ્લેખનીય છે કે, વર્ષ 2014થી ઇજિપ્તના રાષ્ટ્રપતિ પદ પર ફત્તાહ અલ સિસી બિરાજમાન છે.

વધુ મજબૂત થઈ રહ્યા છે ભારત-ઈજિપ્તના સંબંધો

આ વર્ષે બંને દેશોએ રાજદ્વારી સંબંધોની 75મી વર્ષગાંઠની ઉજવણી કરી હતી. આવા સમયે ભારત ઇજિપ્ત સાથે તેના રાજકીય અને સૈન્યસંબંધોને સતત વધારી રહ્યું છે.

આ બાબતોને ધ્યાનમાં રાખીને નવી દિલ્હીએ ઈજિપ્તના રાષ્ટ્રપતિ અબ્દેલ ફત્તાહ અલ સિસીને 2023નાપ્રજાસત્તાક દિવસે મુખ્ય અતિથિ બનવા માટે આમંત્રણ પત્ર મોકલ્યું છે.

ભારત માટે ઇજિપ્તનું મહત્વ

ઇજિપ્ત એ આરબ વિશ્વમાં સૌથી વધુ વસ્તી ધરાવતો દેશ છે. આ સાથે ઇજિપ્ત આફ્રિકાની બીજી સૌથી મોટી અર્થવ્યવસ્થા પણ છે. આવીસ્થિતિમાં ભારત ઇજિપ્તના રાષ્ટ્રપતિ અલ સિસી માટે રેડ કાર્પેટ બિછાવીને એ સૂચવવા માંગે છે કે, આગામી વર્ષોમાં દિલ્હી-કૈરો સંબંધો પરવિશેષ ધ્યાન આપવામાં આવી રહ્યું છે.

Honoured to call on President Abdel Fattah El-Sisi of Egypt.

Conveyed the warm greetings of PM @narendramodi and handed over a personal message. pic.twitter.com/JdqS2BBbxX

— Dr. S. Jaishankar (@DrSJaishankar) October 16, 2022

ઇજિપ્તની મુલાકાત દરમિયાન રાષ્ટ્રપતિ અલ સિસીને મળ્યા એસ જયશંકર

થોડા સમય પહેલા ભારતના વિદેશ મંત્રી એસ જયશંકર અને રક્ષા મંત્રી રાજનાથ સિંહ ઇજિપ્તની મુલાકાત દરમિયાન રાષ્ટ્રપતિ અલ સિસીને મળ્યા હતા. આ દરમિયાન વિદેશ મંત્રી જયશંકરે તેમને ભારતના વડાપ્રધાન નરેન્દ્ર મોદીનો વિશેષ સંદેશ પણ આપ્યો હતો.

English summary

Republic Day 2023: The chief guest on Republic Day will be the Egypt President