Republic Day 2025 : છત્તીસગઢના સુકમામાં પહેલી વખત તિરંગો ફરકાવાયો, નક્સલ પ્રભાવિત વિસ્તારમાં મોટી સફળતા

Republic Day 2025 : આજે ભારત તેનો 76મોં પ્રજાસત્તાક દિવસ ઉજવી રહ્યું છે. ભારતભરમાં પ્રજાસત્તાક દિવસની ધામધુમથી ઉજવણી કરવામાં આવી રહી છે.

આ ક્રમમાં જ એક સારા સમાચાર છત્તીસગઢથી આવ્યા છે. અહીં નક્સલ પ્રભાવિત સુકમા જિલ્લામાં પહેલી વખત તિરંગો ફરકાવાયો છે.

છત્તીસગઢના સુકમા જિલ્લાના તુમલપાડ ખાતે આ ઐતિહાસિક ઘટના. અહીં પ્રજાસત્તાક દિવસ નિમિત્તે પ્રથમ વખત ભારતીય રાષ્ટ્રધ્વજ ફરકાવવામાં આવ્યો. આ વિસ્તાર એક સમયે નક્સલવાદીઓથી પ્રભાવિત હતો. સેન્ટ્રલ રિઝર્વ પોલીસ ફોર્સ અને વહીવટીતંત્રના નક્કર પ્રયાસોને કારણે પરિસ્થિતિ શાંતિ અને સ્થિરતા તરફ આગળ વધી રહી છે.

આ ખાસ કાર્યક્રમનું નેતૃત્વ CRPFની 74મી બટાલિયનના કમાન્ડન્ટ હિમાંશુ પાંડેએ કર્યું હતું. તેમણે રાષ્ટ્રધ્વજ ફરકાવ્યો અને સ્થાનિક ગ્રામજનોમાં મીઠાઈઓ વહેંચી અને પ્રજાસત્તાક દિવસના મહત્વ અંગે જાગૃતિ આપવાનું કામ કર્યુ. આ કાર્યક્રમમાં સ્થાનિક સમુદાયની સક્રિય ભાગીદારી જોવા મળી. જે પ્રદેશમાં સામાન્યતા પુનઃસ્થાપિત કરવા તરફ પ્રગતિનું પ્રતીક છે.

તુમલપાડ અગાઉ નક્સલવાદીઓનો ગઢ માનવામાં આવતો હતો. હવે તે શાંતિ અને વિકાસના પ્રતીક તરીકે ઉભરી રહ્યું છે. રાષ્ટ્રધ્વજ ફરકાવવાની આ ઘટનાએ સાબિત કર્યું છે કે પ્રદેશમાં શાંતિ સ્થાપિત કરવાના પ્રયાસોના સારા પરિણામ મળી રહ્યાં છે. સ્થાનિક રહેવાસીઓએ આ પહેલનું સ્વાગત કર્યું અને તેને સ્થિરતા અને વિકાસ તરફ એક મહત્વપૂર્ણ પગલું ગણાવ્યું છે.

કમાન્ડન્ટ હિમાંશુ પાંડેએ જણાવ્યું કે, આ ઘટના એ વાતનો પુરાવો છે કે નક્સલવાદથી ગ્રસ્ત આ વિસ્તારમાં હવે શાંતિ પુનઃસ્થાપિત થઈ રહી છે. આ રાષ્ટ્રીય એકતા અને વિકાસ તરફના આપણા પ્રયાસોનું પ્રતીક છે.

છત્તીસગઢના મુખ્યમંત્રી વિષ્ણુ દેવ સાંઈએ આ ઐતિહાસિક પ્રસંગે રાજ્યના લોકોને ગણતંત્ર દિવસની શુભકામનાઓ પાઠવી. તેમણે X પર મેસેજમાં બંધારણ, લોકશાહી અને સુશાસન પ્રત્યેની પ્રતિબદ્ધતાનો પુનરોચ્ચાર કર્યો.

English summary

Republic Day 2025: Tricolor hoisted for the first time in Sukma, Chhattisgarh