યુપીમાં ગુંડારાજ, ડોક્ટર્સ પર હેવાન બની વરસી પોલીસની લાઠી

Published: Monday, March 3, 2014, 17:38 [IST]

કાનપુર, 3 માર્ચઃ કાનપુરમાં સપા ધારાસભ્ય ઇરફાન સોલંકી અને જૂનિયર ડોક્ટર્સ વચ્ચેના ઝઘડા બાદ હવે આખા પ્રદેશમાં સ્વાસ્થ્ય સેવાઓ ઠપ થઇ ગઇ છે. વિરોધમાં મેડિકલ કોલેજ અને આખા કાનપુરના ડોક્ટર્સ ધરણા પર બેસી ગયા. શુક્રવારે જ્યારે સપા ધારાસભ્ય ઇરફાન સોલંકી પોતાના સંબંધીને હૈલેટમાં લઇ ગયા ત્યારે અચાનક તેમના સમર્થકો અને જૂનિયર ડોક્ટર્સ વચ્ચે બોલાચાલી થઇ ગઇ. ચર્ચા એટલી વણસી કે તે મારામારી સુધી પહોંચી ગઇ. સપા ધારાસભ્યના સમર્થકો અને ગનરે ડોક્ટર્સની ધોલાઇ કરવાનું શરૂ કરી દીધું. ગુસ્સે ભરાયેલા ડોક્ટર્સે ધારાસભ્યની ગાડીને પલ્ટાવી દીધી અને મારપીટ શરૂ કરી દીધી.

આ મારપીટમાં સપાના ધારાસભ્યનું માથુ ફૂટ્યું, પરંતુ ધારાસભ્યએ પણ પોતાનો પાવર દેખાડ્યો. સપા ધારાસભ્યના કહેવાથી એસએસપીએ મામલાનો હલ કાઢવાના બદલે પોલીસને આદેશ આપ્યો કે મેડિકલ કોલેજ કેમ્પસમાં જે પણ જૂનિયર ડોક્ટર મળે તેની કમર તોડી નાંખો. એસએસપીના આદેશ બાદ પોલીસે મેડિકલ કોલેજ કેમ્પસમાં બધડાટી બોલાવી દીધી. જૂનિયર ડોક્ટર્સને દોડાવી-દોડાવી માર્યા, પ્રોફેસર્સ પર પણ લાઠીઓ વરસાવવામાં આવી અને દરેક રૂમમાં જઇને છૂપાયેલા વિદ્યાર્થીઓ પર અત્યાચાર કર્યો.

યુપીના ગુંડારાજને રજૂ કરતી તસવીરો તમે જોશો તો જાણવા મળશે કે કેવી રીતે પોલીસ અસામાજિક તત્વોની જેમ કોલેજ કેમ્પસમાં ઉભેલી ડઝનેક ગાડીઓનો તોડી નાંખી અને જૂનિયર ડોક્ટર્સને માર્યા. પોલીસ અને સપાથી નારાજ યુપીના જૂનિયર્સ ડોક્ટર્સે હડતાળની જાહેરાત કરી દેજો. મેડિકલ કોલેજ ટીચર્સ એસોસિએશન અને આઇએમએએ પણ આ હાડતાળને સમર્થન આપ્યું છે. હડતાળ પર ઉતરેલા ડોક્ટર્સની અટકાયત કરવામાં આવેલા 24 છાત્રોને છોડવાની તથા એસએસપી યશસ્વી યાદ અને ધારાસભ્ય સોલંકીને નિલંબિત કરી તેમના પર હત્યાના પ્રયાસનો કેસ દાખલ કરવાની માંગ કરવામાં આવી છે.