ફેસબુક ધરપકડ: SCએ મહારાષ્ટ્ર, પં.બંગાળ પાસે માંગ્યો જવાબ

નવી દિલ્હી, 30 નવેમ્બર: ફેસબુક મામલે થયેલી ધરપકડને લઇને સુપ્રીમ કોર્ટે કડક વલણ અપનાવી મહારાષ્ટ્ર સરકાર પાસે જવાબ માંગ્યો છે કે પોલીસ અધિકારીઓ પર શું કાર્યવાહી કરવામાં આવી છે. જેની સાથે જ સુપ્રીમ કોર્ટે કેન્દ્ર, પશ્ચિમ બંગાળ અને પોંડીચેરી સરકારને પણ નોટિસ ફટકારી છ સપ્તાહમાં જવાબ આપવા આદેશ કર્યો છે.

પશ્ચિમ બંગાળમાં આ વર્ષે એપ્રિલમાં પ્રોફેસર અંબિકેશ મહાપાત્રાને મમતા બેનર્જીના એક કાર્ટુનને સોશિયલ સાઇટ ફેસબુક પર અપલોડ કરવાના મામલે ધરપકડ કરવામાં આવી હતી.

ઉલ્લેખનીય છે કે કોર્ટે શિવસેના પ્રમુખ બાળા સાહેબ ઠાકરેના નિધન બાદ પાલઘરમાં બે યુવતીઓની ફેસબુક પર બંધને લઇને કોમેન્ટના આરોપમાં ધરપકડ કરવામાં આવી હતી. જેને લઇને શ્રેયા સિંઘલ દ્વારા દાખલ કરવામાં જનહિતની અરજી પર સુનવણી દરમિયાન આ નોટિસ ફટકારાઇ હતી. આ અરજીમાં આઇટી એક્ટના કેટલાક પ્રાવધાનોને ખત્મ કરવાની માંગ કરાઇ છે.

સુપ્રીમ કોર્ટે આ મામલે એટોર્ની જનરલ જી વાહનવતીને પણ બોલાયા અને બીજાને પણ પાર્ટી બનાવવાની સલાહ આપી. બીજી બાજુ સરકારે મહત્વનો નિર્દેશ જારી કરતા જણાવ્યું કે આઇટી એક્ટ ધારા 66-એનો ઉપયોગ આઇપીએસની મંજૂરી વગર થઇ શકે નહીં.

English summary

Supreme Court asks Maharashtra and West Bengal Government to explain Facebook arrests.