ઉત્તર પ્રદેશની બધી કોર્ટની સુરક્ષા વધારવાના આપવામાં આવ્યા નિર્દેશ
ઉત્તર પ્રદેશના વિશેષ કાયદો અને વ્યવસ્થાના ડીજી પ્રશાંત કુમારે તમામ જિલ્લાના પોલીસ અધિક્ષકોને તાત્કાલિક અસરથી કોર્ટની સુરક્ષા વધારવાનો નિર્દેશ આપ્યો છે. વાસ્તવમાં, ગેંગસ્ટર સંજીવ ઉર્ફે જીવાને લખનઉની સિવિલ કોર્ટની અંદર ગોળી મારી દેવામાં આવી હતી.
સુનાવણી પહેલા થયેલા ગોળીબારને જોતા તમામ જિલ્લાઓમાં કોર્ટની સુરક્ષા વધારવાના નિર્દેશ આપવામાં આવ્યા છે. સત્તાવાર નિવેદન જાહેર કરીને આ અંગેની માહિતી આપવામાં આવી છે. એવું કહેવામાં આવ્યું છે કે તમામ કોર્ટમાં મેટલ ડિટેક્ટર લગાવવામાં આવે, સાથે જ અન્ય સાધનોનો પણ ઉપયોગ કરવામાં આવે જેથી કોર્ટની સુરક્ષાને વધુ મજબૂત કરી શકાય.
પ્રશાંત કુમારે કહ્યું કે જિલ્લાઓ અને કમિશનરેટ્સમાં કોર્ટની સુરક્ષાની સમીક્ષા કરવી. જે આરોપીઓ કોર્ટમાં હાજર થઈ રહ્યા છે તેમની સુરક્ષા મજબૂત કરવી. ઈન્ટેલિજન્સ અને સોશિયલ મીડિયા સેલને પણ સક્રિય કરવા અને તેમણે આ બાબતે સતર્ક રહેવુ. તમામ જિલ્લામાં સુરક્ષાની પૂરતી વ્યવસ્થા રાખવી.
કોર્ટમાં તમામ જિલ્લા ન્યાયાધીશો અને અધિકારીઓ સાથે પણ સંપર્કમાં રહો. તમને જણાવી દઈએ કે ગેંગસ્ટર સંજીવને કોર્ટની અંદર ગોળી મારી દેવામાં આવી હતી, તેને કોર્ટમાં સુનાવણી માટે લાવવામાં આવ્યો હતો.
લખનઉના ડીસીપી રાહુલ રાજે કહ્યું કે સંજીવ જીવાને કોર્ટમાં ગોળી વાગી હતી, જે બાદ તેનું મોત થયું હતું. અમારા બે કોન્સ્ટેબલ ઘાયલ થયા છે પણ ખતરાની બહાર છે. બંનેની સારવાર ચાલી રહી છે. શૂટરોની ધરપકડ કરવામાં આવી છે.
આ દરમિયાન કોર્ટમાં ગોળીબાર બાદ વકીલોએ તેનો વિરોધ કર્યો હતો. આ અકસ્માતમાં એક બાળક પણ ઘાયલ થયો છે, જેને હોસ્પિટલમાં દાખલ કરવામાં આવ્યો છે જ્યાં તેની સારવાર ચાલી રહી છે.
Click it and Unblock the Notifications
Sign in with Google
