બ્રિટેનની મહારાની ક્વિન એલિજાબેથ કરતા માલદાર છે સોનિયા ગાંધી
નવી દિલ્હી, 2 ડિસેમ્બર: અંગ્રેજી અખબાર દ્વારા તાજેતરમાં કરવામાં આવેલા સર્વેમાં સોનિયા ગાંધીને લઇને એક ચોંકાવનારી બાબત સામે આવી છે. કોંગ્રેસ અધ્યક્ષ સોનિયા ગાંધી બ્રિટેની મહારાણી ક્વિન એલિઝાબેથ(દ્વિત્તિય) કરતા પણ વધારે માલદાર છે. આ ખુલાસો અંગ્રેજી અખબાર હફિંગટન પોસ્ટ વર્લ્ડે કર્યો છે.
આ અખબારે દુનિયાભરના 20 સૌથી વધારે માલદાર નેતાઓની સૂચિ તૈયાર કરી છે. જેમાં સોનિયા ગાંધી, બ્રિટેનની મહારાણી એલિઝાબેથ, ઓમાનના સુલ્તાન, મોનાકોના રાજકુમાર અને કુવૈતના શેખ કરતા પણ માલદાર છે. આ સૂચિ અનુસાર સોનિયા 12માં સ્થાન પર આવે છે.
આ લિસ્ટમાં સક્રિય રાજા, રાષ્ટ્રપતિ, સુલ્તાન અને મહારાણીઓને સામેલ કરવામાં આવ્યા છે. આ સૂચિમાં મોટાભાગના પુરુષોએ સ્થાન જમાવ્યું છે. અખબારે સોનિયા ગાંધીની કુલ સંપત્તિ 2 બિલિયન અમેરિકન ડોલર આંકી છે.
અત્રે ઉલ્લેખનીય છે કે હાલમાં ચૂંટણીનો માહોલ હોવાના પગલે ભારતીય જનતા પાર્ટી તરફથી કોંગ્રેસ અને તેની અધ્યક્ષ પર અવારનવાર પ્રહારો કરવામાં આવી રહ્યા છે, પરંતુ આ રસપ્રદ બાબત સામે આવતા જ વિરોધી પક્ષોને સોનિયા ગાંધી પર પ્રહાર કરવાનો એક નવો મુદ્દો મળી ગયો છે તેમાં કોઇ શંકાને સ્થાન નથી.
Click it and Unblock the Notifications
Sign in with Google
