'હું ઈન્દિરાજીની વહુ છુ અને કોઈનાથી નથી ડરતી...' EDની પૂછપરછ દરમિયાન વાયરલ થયો સોનિયા ગાંધીનો Video

સોનિયા ગાંધીનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં સોનિયા ગાંધી કહે છે કે તેઓ ઈન્દિરા ગાંધીની વહુ છે, તેમને કોઈ વાતનો ડર નથી.

Updated: Friday, July 22, 2022, 11:51 [IST]

નવી દિલ્લીઃ કોંગ્રેસના વચગાળાના અધ્યક્ષ સોનિયા ગાંધી નેશનલ હેરાલ્ડ કેસમાં પૂછપરછ માટે ગુરુવારે ઈડી ઑફિસ પહોંચ્યા હતા. આ માટે કોંગ્રેસે કેન્દ્રની નરેન્દ્ર મોદી સરકાર અને સત્તાધારી ભારતીય જનતા પાર્ટી (BJP) પર જોરદાર નિશાન સાધ્યુ હતુ. ભાજપે પણ કોંગ્રેસ પર વળતો પ્રહાર કર્યો હતો. આ દરમિયાન સોનિયા ગાંધીનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં સોનિયા ગાંધી કહે છે કે તેઓ કોઈ વસ્તુથી ડરતા નથી કારણકે તે ઈન્દિરા ગાંધીના વહુ છે. આ વીડિયો પર ઘણા લોકોએ કોમેન્ટ પણ કરી છે.

'હું સોનિયા ગાંધીની વહુ છુ અને કોઈનાથી ડરતી નથી'

સોનિયા ગાંધીનો આ જૂનો વીડિયો તમિલનાડુ કોંગ્રેસ કમિટીએ ટ્વિટર હેન્ડલ પર શેર કર્યો છે. વાયરલ વીડિયોમાં સોનિયા ગાંધી કહે છે, "હું ઈન્દિરાજીની વહુ છુ અને કોઈથી ડરતી નથી..." તમિલનાડુ કોંગ્રેસ કમિટીએ શેર કરેલા આ વીડિયોમાં કોંગ્રેસ નેતા કેસી વેણુગોપાલ પણ જોવા મળે છે. ગુરુવારે પૂછપરછ માટે બહાર આવેલા સોનિયા ગાંધી સાથે રાહુલ ગાંધી અને પ્રિયંકા ગાંધી વાડ્રા પણ હાજર હતા. આ વીડિયો પર ઘણા લોકોએ સોનિયા ગાંધીની ટીકા કરી છે અને ઘણા લોકોએ તેમના સમર્થનમાં લખ્યું છે. આ વીડિયોને 15 હજારથી વધુ વ્યૂઝ મળી ચૂક્યા છે.

2015નો છે વાયરલ વીડિયો

સોનિયા ગાંધીનો આ વાયરલ વીડિયો ડિસેમ્બર 2015નો છે. તે સમયે સોનિયા ગાંધીએ જે કહ્યુ તે નેશનલ હેરાલ્ડ કેસ સાથે સંબંધિત હતુ. 2015માં પણ સોનિયા ગાંધીનો આ વીડિયો ખૂબ જ વાયરલ થયો હતો અને ચર્ચાનો વિષય બન્યો હતો.

'જો કોઈનાથી ડરતા નથી તો ઈડી સામે આવવામાં વિલંબ કેમ કર્યો'

આ વીડિયો પર ઘણા લોકોએ કોમેન્ટ કરી છે અને પૂછ્યું છે કે, ''જો તમે કોઈથી ડરતા નથી તો ઈડી સમક્ષ જવામાં વિલંબ કેમ કરો છો.'' એક યુઝરે લખ્યુ, "એટલે જ હું ઈડીની સામે જવાની હિંમત કરી રહ્યો ન હતો, પહેલા ઈવીએમ પર સવાલ અને હવે ઈડી પર સવાલ." એક યુઝરે કોમેન્ટ કરીને લખ્યુ કે, "આ શાસક પક્ષ માટે શાનદાર જવાબ છે." વળી, ઘણા લોકોએ ટિપ્પણી કરી અને સોનિયા ગાંધી ઝિંદાબાદ લખ્યુ. આ વીડિયો પરની કોમેન્ટ્સમાં મિશ્ર પ્રતિક્રિયાઓ આવી રહી છે.

સોનિયા ગાંધી અગાઉ આપેલી તારીખોમાં નહોતા ગયા ઈડી

સોનિયા ગાંધી અગાઉ આપેલી તારીખો પર તપાસમાં જોડાઈ શક્યા ન હતા કારણ કે તેમને કોવિડ -19 થયો હતો. સરકાર દ્વારા એજન્સીઓના દુરુપયોગના વિરોધમાં કોંગ્રેસે ગુરુવારે દેશવ્યાપી આંદોલનનુ આયોજન કર્યુ છે. ગુરુવારે (જુલાઈ 21) સવારે ભાજપ અને કોંગ્રેસ વચ્ચે વાક યુદ્ધ ફાટી નીકળ્યુ કારણ કે કોંગ્રેસના નેતા જયરામ રમેશે આરોપ લગાવ્યો કે દિલ્લી પોલીસે મીડિયાના પ્રવેશને અવરોધિત કરીને 24 અકબર રોડ પર પાર્ટીના મુખ્યાલયને પહેલેથી જ બંધ કરી દીધુ છે.

બેક-ટુ-બેક કરવામાં આવી પ્રેસ કૉન્ફરન્સ

બેક-ટુ-બેક પ્રેસ કૉન્ફરન્સમાં ભાજપ અને કોંગ્રેસે સોનિયા ગાંધીના પ્રશ્નને લઈને એકબીજા પર આક્ષેપો અને વળતા આક્ષેપો કર્યા હતા. કોંગ્રેસના વિરોધને વખોડતા ભાજપના નેતા આર.એસ.પ્રસાદે કહ્યુ કે જ્યારે નરેન્દ્ર મોદીએ ગુજરાતના મુખ્યમંત્રી તરીકે પ્રશ્નોનો સામનો કર્યો હતો ત્યારે નવી દિલ્લીમાં કોઈ વિરોધ થયો ન હતો, ગુજરાતમાં પણ નહીં કારણ કે ભાજપની એજન્સીઓનુ સન્માન કરવામાં આવ્યુ હતુ. જ્યારે કોંગ્રેસ સતત આ એજન્સીઓની કામગીરી પર પ્રશ્નો ઉભા કરે છે.