બંગાળ અંગેની શાહરૂખ ખાનવાળી એડ રજૂ થઇ

Published: Sunday, September 30, 2012, 12:08 [IST]

કોલકત્તા, 30 સપ્ટેમ્બર : બંગાળ રાજ્યના બ્રાન્ડ એમ્બેસેડર શાહરૂખ ખાન દ્વારા પશ્ચિમ બંગાળની ખૂબીઓ અને શક્તિઓ દર્શાવતી જાહેરાત શનિવારે 29 સપ્ટેમ્બર, 2012ના રોજ રજૂ કરવામાં આવી હતી. 'બંગાલ લીડ્સ' કેમ્પેઇનના ભાગ રૂપે બનાવવામાં આવેલી જાહેરાતમાં રોકાણકારો અને પર્યટકોને આકર્ષતી બાબતોને દર્શાવવામાં આવી છે.

બે મીનિટની જાહેરાતમાં રવિન્દ્રનાથ ટાગોરના બંગાળ અંગેના સ્વપ્ન 'સોનેર બાંગ્લા' સાથે બંગાળને જોડવામાં આવ્યું છે. એડ ફિલ્મમાં રવિન્દ્રસંગીત 'બાંગ્લાર માટી બાંગ્લાર જોલ'ની ધૂનના બેકગ્રાઉન્ડમાં બૉલીવુડનો બાદશાહ ગર્વથી કહે છે 'ધેર ઇઝ સમથિંગ સ્પેશ્યલ અબાઉટ બંગાળ'.

આ અંગે રાજ્યાના ઇન્ફોર્મેશન અને ક્લચરલ અફેર્સના વિભાગના અધિકારીઓનું કહેવું છે કે રાજ્યની વૈવિધ્યસભર છબીને વિવિધ કેમ્પેઇન દ્વારા રજૂ કરી રાજ્યની સકારાત્મક છબી ઊભી કરવામાં આવશે. આવનારા થોડા દિવસોમાં નેશનલ ચેનલ્સ પર વિડિયો જોવા મળશે. આ એડ ફિલ્મ માટે શાંતનુ મોઇત્રાએ સંગીત તૈયાર કર્યું છે.

Published On September 30, 2012