કાર્યક્રમ દરમિયાન મંચ તૂટતાં ભોયભેંગા થયા લાલૂ પ્રસાદ

By Kumar Dushyant

Published: Sunday, February 3, 2013, 11:48 [IST]

સારણ, 3 ફેબ્રુઆરી: ગડખા પ્રખંડના મધુપુર ગામમાં શનિવારે રાજદ સુપ્રીમો લાલૂ પ્રસાદ પ્રજાને સંબોધી રહ્યાં હતા ત્યારે મંચ ધરાશાઇ થઇ ગયું હતું. લાલૂ પ્રસાદ ધડામ દઇને નીચે પટકાયા હતા. પોતાના નેતાને મંચ પરથી નીચે પટકાતાં જોતાં કાર્યકર્તાઓના હોંશ ઉડી ગયા હતા. જો કે લાલૂ પ્રસાદને ગંભીર ઇજા પહોંચી ન હતી. બેબાકળા બનેલા કાર્યકર્તાઓને રાજદ સુપ્રિમો લાલૂ પ્રસાદને ઉભા કરી ખુરશી પર બેસાડ્યા હતા. તે પૂજાના કાર્યક્રમમાં હાજરી આપવા ગયા હતા.

મંચ તુટી પડતાં લાલૂ પ્રસાદનો પારો સાતમા આસમાને ચઢી ગયો હતો. તેમને ખરાબ વ્યવસ્થા માટે આયોજકો સખત ઠપકો આપ્યો હતો. આ યજ્ઞ સમારોહમાં લાલૂ પ્રસાદ આગમનને લઇને કોઇ અલગથી મંચની વ્યવસ્થા કરવામાં આવી ન હતી. રામલીલા માટે જે મંચ બનાવવામાં આવ્યું હતું તે મંચથી જ આયોજકોએ કામ ચલાવી લીધું હતું.

લાલૂ પ્રસાદ મંચ પર પહોંચ્યા તો સ્થાનિક નેતાઓનો જમાવડો લાગી ગયો હતો. મંચ મજબૂત ન હોવાથી તૂટી ગયું હતું. વહિવટી અધિકારીઓ દ્રારા મંચની તપાસ ન કરી હોવાનો લાલૂ પ્રસાદે આરોપ લગાવ્યો હતો. લાલૂ પ્રસાદની સાથે ઉભેલા પાર્ટીના મહાસચિવ રામકૃપાલ યાદવે લોકોની નાસભાગ દરમિયાન શાંત બનાવી રાખવાની અપીલ કરી હતી. આટલું જ નહી લાલૂ પ્રસાદે જાતે જ કમાન સંભાળી અને તૂટેલા મંચ પરથી એક બાજુએ ખુરશી નાખીને સભાને સંબોધી હતી.

Published On February 3, 2013