અચાનક વારાણસીમાં 'પપ્પુ ચાયવાલા'ની દુકાને ચા પીવા પહોંચ્યા પીએમ મોદી, દુકાનદાર બોલ્યો- 2019થી હતો ઇંતજાર

દેશના વડાપ્રધાન નરેન્દ્ર મોદી અને ચા સાથેનું કનેક્શન ઘણું જૂનું છે. જેનું તાજેતરનું ઉદાહરણ વારાણસીમાં શુક્રવારે (4 માર્ચ) સાંજે જોવા મળ્યું, જ્યારે PM નરેન્દ્ર મોદી કાશીની પ્રખ્યાત 'પપ્પુ ચાયવાલા' દુકાન પર ચા પીવા પહોંચ્યા. વારાણસીના અસ્સી ક્રોસિંગ પર આવેલ પ્રખ્યાત ચા સ્ટોલ 'પપ્પુ ચાયવાલા' શુક્રવારની સાંજે જ્યારે અચાનક વડાપ્રધાન નરેન્દ્ર મોદી તેમની દુકાન પર ચા પીવા આવ્યા ત્યારે આશ્ચર્યચકિત થઈ ગયા. પીએમ મોદી વારાણસીના સાંસદ છે અને તેઓ શુક્રવારે યુપી વિધાનસભા ચૂંટણીના પ્રચાર માટે બનારસ ગયા હતા.

'પપ્પુ ચાયવાલા' મોદીને દુકાન પર જોઈને આશ્ચર્યચકિત થઈ ગયા

વડા પ્રધાન નરેન્દ્ર કાશી વિશ્વનાથ ધામમાં પ્રાર્થના કર્યા પછી, ગોદોલિયા, મદનપુરા, સોનારપુરા અને શિવાલા થઈને બનારસ હિન્દુ યુનિવર્સિટીના લંકા ગેટ તરફ જઈ રહ્યા હતા. અસ્સી વિસ્તારમાં પહોંચતા જ પીએમ મોદી તેમના વાહનમાંથી ઉતર્યા અને ચાની દુકાન "પપ્પુ ચાયવાલા" પર ગયા. કેન્દ્રીય મંત્રી અને યુપી ચૂંટણીના પ્રભારી ધર્મેન્દ્ર પ્રધાન પહેલેથી જ દુકાન પર તેમની રાહ જોઈ રહ્યા હતા. ચાના સ્ટોલ પર વડાપ્રધાન નરેન્દ્ર મોદીને જોઈને ચાવાળો આશ્ચર્યચકિત થઈ ગયો હતો.

મોદીએ ત્રણ વખત ચા પીધી

વડાપ્રધાન નરેન્દ્ર મોદીએ પપ્પુ ચાયવાલાની દુકાન પર સામાન્ય નાગરિકની જેમ ચા પીધી. સામાન્ય માણસની જેમ બેસીને પીએમ મોદીએ એક વાર નહીં પરંતુ ત્રણ વાર ચા પીધી. કેન્દ્રીય મંત્રી ધર્મેન્દ્ર પ્રધાને પીએમ મોદી વતી દુકાનદારને ચાના પૈસા આપ્યા. ચાનો આનંદ માણ્યા બાદ પીએમ મોદીએ ત્યાં થોડી મિનિટો વિતાવી અને ટી સ્ટોલ પર આવેલા લોકો સાથે વાત કરી. ત્યારબાદ પીએમ મોદી BHU ગેટ તરફ રવાના થયા હતા.

'પપ્પુ ચાયવાલાએ' કહ્યું- 2019થી રાહ જોઈ રહ્યો હતો

'પપ્પુ ચાયવાલા' દુકાનના બીજી પેઢીના વડીલ, વિશ્વનાથ સિંહ ઉર્ફે 'પપ્પુ' નાદુરસ્ત તબિયતને કારણે દુકાન પર હાજર ન હતા. પરંતુ મીડિયા સાથેની વાતચીતમાં તેણે કહ્યું છે કે 2019થી પીએમ મોદીની રાહ જોવાઈ રહી હતી. વિશ્વનાથ સિંહ ઉર્ફે 'પપ્પુ' પાસે PM મોદીની દુકાનની મુલાકાતની ખુશી વ્યક્ત કરવા માટે શબ્દો ઓછા પડ્યા હતા. "અત્યારે મારી લાગણીઓને વ્યક્ત કરવા માટે શબ્દો શોધવા મુશ્કેલ છે," તેણે કહ્યું. દુકાન પર હાજર પપ્પુના પુત્રના કહેવા પ્રમાણે, ચાના બદલામાં તેને પીએમ મોદીના ઘણા આશીર્વાદ મળ્યા હતા.

काशी के लाल प्रधानमंत्री श्री @narendramodi की काशीवासियों के साथ चाय पर चर्चा। pic.twitter.com/uiv0wU2kHT

— BJP (@BJP4India) March 4, 2022

English summary

Suddenly PM Modi arrives at Pappu Chai Wala's shop in Varanasi to drink tea