મોદી સરકારને ઝટકો, સંજીવ ભટ્ટની તપાસ સામે રોક

નવી દિલ્હી, 26 નવેમ્બર: સુપ્રિમ કોર્ટે ગુજરાતની નરેન્દ્ર મોદી સરકારને જોરદાર ઝટકો આપ્યો છે. સુપ્રિમ કોર્ટે ગુજરાતના આઇપીએસ ઓફિસર સંજીવ ભટ્ટ સામે થઇ રહેલી ઇ-મેઇલ તપાસ પર રોક લગાવી દીધી છે. ભટ્ટ પર આરોપ હતા કે તેમણે ખોટી રીતે ગુજરાતના એડિશનલ એડવોકેટ તુષાર મેહતાની ઇ-મેઇલને હેક કર્યો હતો અને ત્યારબાદ તેને મીડિયામાં લીક કર્યો હતો.

આ મામલે આજે સુપ્રિમ કોર્ટે સંજીવ ભટ્ટને રાહત આપી છે. કોર્ટે ગુજરાતના પૂર્વ આઇપીએસ અધિકારી સંજીવ ભટ્ટની આગળની તપાસ પર રોક લગાવી દીધી છે. આ મામલાની હવે પછીની સુનવણી માર્ચ 2013માં થશે. સંજીવ ભટ્ટ પર આરોપ છે કે સરકારના એડિશનલ એડવોકેટ જનરલ તુષાર મેહતા અને ગુજરાત રમખાણોની તપાસ કરી રહેલી એઆઇટી વચ્ચેની વાતચીત રેકોર્ડ કરીને મીડિયામાં લીક કરી દીધી હતી.

સંજીવ ભટ્ટ એ જ અધિકારી છે જેમણે ગુજરાત રમખાણોમાં નરેન્દ્ર મોદીની ભૂમિકા પર સવાલો ઉભા કર્યા હતા. તેમની પર ઇ-મેઇલ હેકિંગનો આરોપ છે. એડિશનલ એડવોકેટ જનરલ તુષાર મેહતાના મેઇલને મીડિયામાં લીક કરવાનો તેમની પર આરોપ છે. ગુજરાત પોલીસ આ અંગે તપાસ કરી રહી છે.

English summary

The Supreme Court today stayed all proceedings against Sanjiv Bhatt in an FIR filed by Gujarat advocate general Tushar Mehta.