Telangana Election: મતદાન પહેલા મળ્યા 5 કરોડ રુપિયા કેશ, આટલી રોકડ જોઈ લોકો ચોંક્યા

Cash found in Telangana: હૈદરાબાદ પોલીસે ગુરુવારે ગાચીબોવલી વિસ્તારમાં વાહન ચેકિંગ દરમિયાન એક કારમાંથી રૂ. 5 કરોડની બિનહિસાબી ચલણી નોટો જપ્ત કરી હતી. આ પછી પોલીસે બે કારમાં રોકડ લઈને જતા સાત લોકોની અટકાયત કરી હતી.

ન્યૂઝ એજન્સી એએનઆઈના અનુસાર, આ રકમ વધુ તપાસ માટે આવકવેરા વિભાગના અધિકારીઓને સોંપવામાં આવી છે. એક અલગ ઘટનામાં, ગુરુવારે હૈદરાબાદના હયાતનગર પોલીસ સ્ટેશનની હદમાં એક કારમાંથી 2 કરોડ રૂપિયાની રોકડ જપ્ત કરવામાં આવી હતી.

તેલંગાણામાં વિધાનસભા ચૂંટણીના એક સપ્તાહ પહેલા પોલીસે રાજ્યભરમાં સઘન બંદોબસ્ત ગોઠવી દીધો છે. 9 ઓક્ટોબરના રોજ આદર્શ આચારસંહિતા અમલમાં આવી હતી અને ત્યારથી પોલીસે વાહનોનું ચેકિંગ સઘન બનાવ્યું છે. ભારતીય ચૂંટણી પંચ (ECI)ની વિધાનસભા ચૂંટણી માટે આદર્શ આચાર સંહિતા મુજબ રોકડ સાથે રાખવું એ શિક્ષાપાત્ર ગુનો છે.

પાંચ રાજ્યોમાં વિધાનસભાની ચૂંટણીઓ પહેલા, ECIએ જણાવ્યું હતું કે તમામ પક્ષો અને ઉમેદવારોએ 'ભ્રષ્ટ આચરણ' સમાન તમામ પ્રવૃત્તિઓને સાવચેતીપૂર્વક ટાળવી જોઈએ જે ચૂંટણી કાયદા હેઠળ ગુનો છે, જેમ કે મતદારોને લાંચ આપવી, મતદારોને ડરાવવા, મતદારોનો પ્રચાર-પ્રસાર કરવો.

English summary

Telangana Election: 5 crore cash found from car ahead of assembly polls.