Telangana Election Result 2023: તેલંગાણામાં વિકાસના કામ ચાલુ રાખશે ભાજપ- અમિત શાહ
Telangana Election Result 2023: 5 વિધાનસભા ચૂંટણીમાંથી ચાર રાજ્યોના પરિણામો આવી રહ્યા છે. ચારમાંથી ત્રણ રાજ્યોમાં ભાજપની સરકાર બની રહી છે. મધ્યપ્રદેશ, રાજસ્થાન અને છત્તીસગઢમાં ભાજપ ઘણી સીટો પર આગળ છે. માત્ર તેલંગાણામાં કોંગ્રેસ આગળ છે.
આ દરમિયાન કેન્દ્રીય ગૃહ પ્રધાન અમિત શાહે તેલંગાણાના લોકોના ઉત્સાહી સમર્થન બદલ તેમનો આભાર વ્યક્ત કર્યો છે. તેમણે ટ્વિટર પર જણાવ્યું હતું કે, વડાપ્રધાન નરેન્દ્ર મોદીના નેતૃત્વમાં ભાજપ તેલંગાણાના વિકાસ માટે કામ કરવાનું ચાલુ રાખશે.
ગૃહમંત્રીએ જણાવ્યું હતું કે, લોકોના સમર્થનથી અમે ચોક્કસપણે તેલંગાણાને સમૃદ્ધ રાજ્ય બનાવીશું. ભાજપના કાર્યકરો અને પ્રદેશ અધ્યક્ષ જી કિશન રેડ્ડીનો તેમના અથાક પ્રયાસો માટે હૃદયપૂર્વક આભાર.
ઉલ્લેખનીય છે કે, દક્ષિણ ભારતીય રાજ્ય તેલંગાણાના ચૂંટણી પરિણામો અને વલણો પર પ્રતિક્રિયા આપતા વડાપ્રધાન નરેન્દ્ર મોદીએ તેલંગાણાના લોકોનો આભાર માન્યો હતો. તેમણે તેમના જવાબમાં લખ્યું કે, હું કાર્યકર્તાઓના મહેનતુ પ્રયાસોની પણ પ્રશંસા કરું છું.
ત્રણ રાજ્યોમાં કોંગ્રેસની હાર પર કોંગ્રેસ નેતા રાહુલ ગાંધીની પ્રતિક્રિયા હવે સામે આવી છે. કોંગ્રેસ નેતા રાહુલ ગાંધીએ જણાવ્યું હતું કે, અમે ત્રણ રાજ્યોના જન આદેશનો સ્વીકાર કરીએ છીએ. આ દરમિયાન તેમણે તેલંગાણામાં કોંગ્રેસ પાર્ટીની જીત પર તેલંગાણાની જનતાનો આભાર પણ માન્યો હતો.
Click it and Unblock the Notifications
Sign in with Google
