તેલંગાણાઃ ભાજપનો ધુંઆધાર ચૂંટણી પ્રચાર, પીએમ મોદી 27 નવેમ્બરે સાર્વજનિક બેઠકને કરશે સંબોધિત
Telangana Assembly Election 2023: તેલંગાણા વિધાનસભાની ચૂંટણીને હવે ગણતરીના દિવસો જ બાકી રહ્યા છે. ભાજપ જોરશોરથી પ્રચારમાં વ્યસ્ત છે. આ દરમિયાન, પીએમ નરેન્દ્ર મોદી ચૂંટણી પ્રચારના ભાગરૂપે 27 નવેમ્બરે SRR કોલેજમાં જાહેર સભાને સંબોધિત કરશે. તેઓ 27 નવેમ્બરે તેલંગાણાના કરીમનગર આવશે.
આ પહેલા તેમણે હૈદરાબાદના પરેડ ગ્રાઉન્ડમાં જનસભાને સંબોધી હતી. તેલંગાણામાં સત્તા મેળવવા ભાજપ સતત પ્રચાર કરી રહી છે. ભાજપ, કોંગ્રેસ અને બીઆરએસ વચ્ચે સીધો મુકાબલો છે. ત્રણેય પક્ષો વચ્ચે જોરદાર સ્પર્ધા છે. 30 નવેમ્બર પછી ખબર પડશે કે કઈ પાર્ટીએ જીત મેળવી.
તમને જણાવી દઈએ કે તેલંગાણા વિધાનસભાની ચૂંટણી 30 નવેમ્બરે યોજાશે અને મતગણતરી 3 ડિસેમ્બરે થવાની છે. 2018માં છેલ્લી તેલંગાણા વિધાનસભા ચૂંટણીમાં, TRS (હવે BRS તરીકે ઓળખાય છે) એ 119માંથી 88 બેઠકો જીતીને સરકાર બનાવી. જે અગાઉની ચૂંટણીની સરખામણીમાં 25 બેઠકોનો નોંધપાત્ર વધારો હતો.
તેનાથી વિપરીત, કોંગ્રેસની સીટ શેર 21થી ઘટીને 19 થઈ ગઈ હતી. જ્યારે AIMIMને સાત બેઠકો મળી હતી. બીજેપી માત્ર એક જ સીટ મેળવી શકી, રાજા સિંહે ગોશામહાલ વિધાનસભા સીટ જીતી.
Click it and Unblock the Notifications
Sign in with Google
