ડૉ. ભીમરાવ આંબેડકર પર વાંધાનજક ટિપ્પણી કરનાર વ્યક્તિની ધરપકડ, તેલંગાનાના રાજકારણમાં હોબાળો

Published: Saturday, February 11, 2023, 10:36 [IST]

Dr. Bhimrao Ambedkar: બંધારણના ઘડવૈયા ડૉ. બાબાસાહેબ ભીમરાવ આંબેડકર વિશે વાંધાજનક વીડિયો જાહેર કરનાર વ્યક્તિની તેલંગાના પોલીસે ધરપકડ કરી લીધી છે. ધરપકડ કરાયેલ વ્યક્તિ તેલંગાનાનો રહેવાસી છે અને તેની ઓળખ હમારા પ્રસાદ તરીકે થઈ છે. પોલીસે ધરપકડ કરાયેલ વ્યક્તિ સામે આઈપસીની કલ 153એ અને 505(2) હેઠળ કેસ નોંધી લીધો છે.

તમને જણાવી દઈએ કે હમારા પ્રસાદનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. જેમાં તેણે ડૉ. ભીમરાવ આંબેડકર વિશે વાંધાજનક ટિપ્પણી કરી છે. વીડિયોમાં પ્રસાદ સ્પષ્ટપણે કહી રહ્યા છે કે ગોડસેએ ગાંધીને માર્યા હતા તેમ મે આંબેડકરને માર્યા હોત. વીડિયોમાં પ્રસાદ પાસે ભીમરાવ આંબેડકર દ્વારા લખાયેલ પુસ્તક છે. પ્રસાદના આ વીડિયો બાદ તેલંગાણામાં રાજકારણ ગરમાયુ છે. બસપાના તેલંગાણા પ્રમુખ આરએસ પ્રવીણ કુમારે હમારા પ્રસાદ સામે કડક પગલાં લેવાની માંગ કરી છે.

હમારા પ્રસાદની ધરપકડ અંગે માહિતી આપતા હૈદરાબાદ સિટી પોલીસે કહ્યુ છે કે, 'સાયબર ક્રાઈમ પોલીસ સ્ટેશને હમારા પ્રસાદની ધરપકડ કરી છે. ડૉ. બીઆર આંબેડકરને ગાળ દેવા અને સોશિયલ મીડિયા પ્લેટફોર્મ દ્વારા વીડિયો ફોરવર્ડ કરવા બદલ એફઆઈઆર 256/2023 યુ/એસ નોંધવામાં આવી છે. પોલીસ હમારા પ્રસાદની પૂછપરછ કરી રહી છે. હમારા પ્રસાદે ખુદને રાષ્ટ્રીય દલિત સેના નામના સંગઠનનો પ્રમુખ ગણાવ્યો છે. વીડિયોમાં હમારા પ્રસાદે વારંવાર ડૉ. આંબેડકરની ટીપ્પણી કરીને તેમની હત્યા કરવાની ધમકી આપી છે.

તમને જણાવી દઈએ કે તેલંગાનાના દલિત નેતા હમારા પ્રસાદનો વીડિયો ઝડપથી વાયરલ થઈ રહ્યો છે. આ વીડિયોમાં હમારા પ્રસાદે ડૉ. આંબેડકરના પુસ્તક રીડલ્સ ઈન હિંદુઈઝ્મ વિશે ટિપ્પણી કરી છે. હમારા પ્રસાદનુ કહેવુ છે કે આ પુસ્તક દ્વારા ડૉ. આંબેડકરે હિંદુઓની ભાવનાને ઠેસ પહોંચાડી છે. તેલંગાનામાં બસપા નેતા આરએસ પ્રવીણ કુમારે વીડિયો શેર કરીને કઠોર કાર્યવાહીની માંગ કરી છે.

Today Cyber crime police station, Hyderabad City arrested Hamara prasad Registered FIR 256/2023 U/S 153A,505(2) IPC on abusing Dr. BR Ambedkar & forwarding videos through social media platforms. pic.twitter.com/sYCDPHrTjz
— Hyderabad City Police (@hydcitypolice) February 10, 2023