રાજસ્થાનમાં ભયાનક કાર અકસ્માત, પાંચના મોત
રાજસ્થાનના સીકર જિલ્લામાં રિંગસ નજીક શનિવારના રોજ મોડી સાંજે એક અનિયંત્રિત કાર રસ્તાની નીચે પડી ગઈ હતી. જેના કારણે કારમાં સવાર પાંચ લોકોના મોત થયા હતા, જ્યારે કારમાં એક મુસાફર ગંભીર રીતે ઘાયલ હોવાનું કહેવાય છે.
સીકર : રાજસ્થાનના સીકર જિલ્લામાં રિંગસ નજીક શનિવારના રોજ મોડી સાંજે એક અનિયંત્રિત કાર રસ્તાની નીચે પડી ગઈ હતી. જેના કારણે કારમાં સવાર પાંચ લોકોના મોત થયા હતા, જ્યારે કારમાં એક મુસાફર ગંભીર રીતે ઘાયલ હોવાનું કહેવાય છે. ઘાયલ વ્યક્તિને હોસ્પિટલમાં દાખલ કરવામાં આવ્યો છે. અકસ્માતમાં માર્યા ગયેલા કેટલાક લોકોની ઓળખ પોલીસ દ્વારા કરવામાં આવી છે, જ્યારે બાકીની પોલીસ તેમને ઓળખવાનો પ્રયાસ કરી રહી છે.
યુવકો સીકરથી જયપુર રોડ તરફ જઈ રહ્યા હતા
રાજસ્થાનના સીકર જિલ્લામાં નેશનલ હાઇવે નંબર 52 પર ઠીકરિયા પાસે શનિવારની સાંજે એક કાર ડિવાઇડર સાથે અથડાઇ હતી અને એક પુલ નીચે પડી હતી. મળતી માહિતી મુજબ કારમાં સવાર યુવકો સીકરથી જયપુર રોડ તરફ જઈ રહ્યા હતા. કાર ડિવાઇડર સાથે અથડાયા બાદ જોરદાર વિસ્ફોટ થયો હતો. અવાજ સાંભળીને ઘણા લોકો સ્થળ પર એકઠા થયા હતા. સ્થાનિક લોકોએ તાત્કાલિક કારમાંથી બહાર કાઢવાનો પ્રયાસ કર્યો હતો.
આ અકસ્માતમાં પાંચ યુવકોના ઘટનાસ્થળે જ મોત થયા હતા
અકસ્માત એટલો ગંભીર હતો કે, કારનો કચ્ચરઘાણ નીકળી ગયો હતો. જેમાં પાંચેય મૃતદેહો સંપૂર્ણપણે ફસાયેલા હતા. તેમને ભારે મુશ્કેલીથી બહાર કાઢવામાં આવ્યા હતા. આ અકસ્માતમાં પાંચ યુવકોના ઘટનાસ્થળે જ મોત થયા હતા. જ્યારે એક ઘાયલ થયો હતો.
અકસ્માત અંગે સ્થાનિક લોકોએ રિંગસ પોલીસ સ્ટેશનને જાણ કરી હતી. પોલીસ ઘટનાસ્થળે પહોંચી હતી અને પાંચેય મૃતકોને એમ્બ્યુલન્સની મદદથી રિંગસ કોમ્યુનિટી મેડિકલ સેન્ટરમાં લઈ જવામાં આવ્યા હતા. જ્યાં ડોક્ટર્સે તેને જોતા જ મૃત જાહેર કર્યો હતો. મૃતદેહોને જિલ્લા હોસ્પિટલમાં રાખવામાં આવ્યા છે.
Click it and Unblock the Notifications
Sign in with Google
