પ્રિયંકા ગાંધીએ PM મોદીને લખેલા પત્રની અસર, સરકારે આ માંગ પૂરી કરી!

રાજસ્થાનના એક આદિવાસી વ્યક્તિના મૃતદેહને અંતિમ સંસ્કાર માટે રવિવારે તેમના વતન ઉદયપુર લાવવામાં આવશે. ગોડવા ગામના રહેવાસી હિતેન્દ્ર ગરાસિયા 17 જુલાઈ 2021ના રોજ રશિયાની રાજધાની મોસ્કોમાં મૃત હાલતમાં મળી આવ્યા હતા.

By Desk

Published: Sunday, February 6, 2022, 20:22 [IST]

નવી દિલ્હી, 06 ફેબ્રુઆરી : રાજસ્થાનના એક આદિવાસી વ્યક્તિના મૃતદેહને અંતિમ સંસ્કાર માટે રવિવારે તેમના વતન ઉદયપુર લાવવામાં આવશે. ગોડવા ગામના રહેવાસી હિતેન્દ્ર ગરાસિયા 17 જુલાઈ 2021ના રોજ રશિયાની રાજધાની મોસ્કોમાં મૃત હાલતમાં મળી આવ્યા હતા. રશિયન સરકાર પણ ગાર્સિયાના મૃતદેહને કબરથી બહાર કાઢવા અને સોંપવા માટે સંમત થઈ હતી. એક અધિકારીએ જણાવ્યું કે, મૃતદેહને પ્રાપ્ત કરવા અને તેને નવી દિલ્હીના બિકાનેર હાઉસ ખાતે પરિવારને સોંપવાની તૈયારીઓ કરવામાં આવી છે.

જણાવી દઈએ કે, કોંગ્રેસ નેતા પ્રિયંકા ગાંધી વાડ્રાએ વડાપ્રધાન નરેન્દ્ર મોદીને પત્ર લખીને હિતેન્દ્ર ગરાસિયાના મૃતદેહને ઘરે લાવવાની વિનંતી કરી હતી. પ્રિયંકાએ કહ્યું હતું કે દીકરી તેના પિતાને છેલ્લી વાર જોવા માંગે છે. તેણે પોતાના પત્રમાં એમ પણ કહ્યું હતું કે ગરાસિયાના પરિવારના સભ્યો તેમના મૃતદેહને ભારત લાવવાની માંગ કરી રહ્યા છે, જેથી કરીને સન્માનપૂર્વક અંતિમ સંસ્કાર કરી શકાય.

ઉલ્લેખનીય છે કે, ગરાસિયાની પત્ની આશા દેવી, પુત્રી ઉર્વશી અને પુત્ર પીયૂષ સાથે કોંગ્રેસ નેતા બુંદી ચર્મેશ શર્માએ દિલ્હીમાં પ્રિયંકાની ઓફિસમાં તેમની મુલાકાત કરી હતી. શર્માના જણાવ્યા અનુસાર, પ્રિયંકાએ ગરાસિયાના પરિવારને ખાતરી આપી હતી કે તે ભવિષ્યમાં તેમનું ધ્યાન રાખશે. બેઠક દરમિયાન કોંગ્રેસના સચિવ અને રાજસ્થાનના જહાઝપુરના પૂર્વ ધારાસભ્ય ધીરજ ગુર્જર પણ હાજર હતા.

હિતેન્દ્ર ગરાસિયા ગયા વર્ષે એપ્રિલમાં એક વર્ષના 'વર્ક વિઝા' પર રશિયા ગયા હતા પરંતુ તે મોસ્કોના પાર્કમાં મૃત હાલતમાં મળી આવ્યા હતા. મોસ્કો પોલીસે તેને આકસ્મિક મૃત્યુ ગણાવીને કેસ બંધ કરી દીધો હતો અને બાદમાં મૃતદેહને મોસ્કોમાં દફનાવવામાં આવ્યો હતો. ગરાસિયાના પરિવારને ગયા વર્ષે 28 ઓગસ્ટે સ્થાનિક પોલીસ પાસેથી તેમના મૃત્યુની માહિતી મળી હતી. ત્યારથી તેના પરિવારજનો મૃતદેહ પરત લાવવા પ્રયાસ કરી રહ્યા છે. પરિવારે ગયા વર્ષે ડિસેમ્બરમાં રાજસ્થાન હાઈકોર્ટનો પણ સંપર્ક કર્યો હતો.

Published On February 6, 2022