વરરાજાને લઈને ઘોડો ફરાર, 4 કિલોમીટર સુધી જાનૈયાને હંફાવ્યા

રાજસ્થાનમાં એક વિચિત્ર કિસ્સો સામે આવ્યો છે. અહીં એક ઘોડો વરરાજાને લઈને ભાગ્યો. ભાગ્યો તો એવો ભાગ્યો કે જાનૈયાઓ કાર અને બાઇકથી ચાર કિલોમીટર સુધી ઘોડાનો પીછો કરતા રહ્યા. આ સમગ્ર ઘટનાનો વીડિયો સોશ્યલ મીડિયા પર વાયરલ થઈ રહ્યો છે. ઘોડાએ જાનૈયાઓને એવા હંફાવ્યા કે વરરાજાની પણ હાલત ખરાબ થઈ ગઈ.

મીડિયા રિપોર્ટ્સ અનુસાર, અજમેર જિલ્લાના નસીરાબાદના રામપુરામાં ત્રણ દિવસ પહેલા લગ્ન હતા. વરઘોડામાં જાનૈયાઓ ડીજે પર નાચતા હતા ત્યારે અચાનક વરરાજાને લઈને ઘોડી ભાગી હતી. સમગ્ર ઘટના ત્યારે બની જ્યારે અચાનક એક ફટાકટો ફુટ્યો. ફટાકડાના અવાજથી ઘોડી ડરી ગઈ અને વરરાજા સાથે ભાગી. જાનૈયાઓ બધુ પડતુ મૂકીને કાર અને બાઇક પર સવાર થઈને ઘોડી પાછળ ફરતા રહ્યા. ઘોટો 4 કિલોમીટર હંફાવ્યા બાદ માંડ રોકાયો. ત્યાં સુધી જાનૈયા પાછળ ફરતા રહ્યા.

ઘોડી વરરાજા સાથે 4 કિલોમીટર ભાગ્યા બાદ રોકાઈ. આ દરમિયાન વરરાજાની તબિયત લથડી. જો કે વરરાજા સલામત છે. આ ઘટનાનો વીડિયો ઝડપથી વાયરલ થઈ રહ્યો છે. મીડિયા સાથેની વાતચીતમાં ખુદ ડીજે ઓપરેટરે આ ઘટનાની પુષ્ટિ કરી છે.

English summary

The mare ran away with the groom, the procession followed by car and bike