દાઉદ ઇબ્રાહિમ ભારતને ક્યારે સોંપશો? આ સવાલ પર પાકિસ્તાની FIA ચિફે મોઢા પર રાખી આંગળી

રાજધાની દિલ્હીના પ્રગતિ મેદાનમાં મંગળવારે 90મી ઇન્ટરપોલ કોન્ફરન્સનું આયોજન કરવામાં આવ્યું છે. આ કોન્ફરન્સમાં 195 દેશોના પ્રતિનિધિઓ ભાગ લઈ રહ્યા છે. આમાં પાકિસ્તાનથી ફેડરલ ઇન્વેસ્ટિગેશન એજન્સી (FIA)ના મહાનિર્દેશક મોહસીન બટ્ટ પણ જોડાયા છે. ઈન્ટરપોલ કોન્ફરન્સમાં જ્યારે પાકિસ્તાનના પત્રકારોએ એફઆઈએના ડાયરેક્ટર જનરલ મોહસીન બટ્ટને પૂછ્યું કે શું તેઓ અંડરવર્લ્ડ ડોન દાઉદ ઈબ્રાહિમ અને લશ્કર-એ-તૈયબાના વડા હાફિઝ સઈદને ભારતને સોંપશે તો મોહસીન બટ્ટે જવાબ આપવાનો ઈન્કાર કર્યો હતો.

આ ઘટનાનો વીડિયો ANIએ ટ્વીટ કર્યો છે. ટ્વિટમાં જોઈ શકાય છે કે કેવી રીતે મોહસીન બટ્ટ પત્રકારોના સવાલ પર આંગળીઓ વડે મૌન થવા તરફ ઈશારો કરે છે. પત્રકારે અંડરવર્લ્ડ ડોન દાઉદ ઈબ્રાહિમ તેમજ લશ્કર-એ-તૈયબાના વડા હાફિઝ સઈદને ભારતને સોંપવા અંગે પૂછ્યું હતું. મોહસીન બટ્ટે આનો જવાબ આપવાનો ઇનકાર કર્યો અને ચૂપ રહેવાનો ઈશારો કર્યો હતો.

#WATCH | Pakistan's director-general of the Federal Investigation Agency (FIA) Mohsin Butt, attending the Interpol conference in Delhi, refuses to answer when asked if they will handover underworld don Dawood Ibrahim & Lashkar-e-Taiba chief Hafiz Saeed to India. pic.twitter.com/GRKQWvPNA1

— ANI (@ANI) October 18, 2022

પીએમઓના જણાવ્યા અનુસાર ઈન્ટરપોલ કોન્ફરન્સની બેઠક 25 વર્ષના લાંબા ગાળા બાદ ભારતમાં યોજાઈ રહી છે. ઈન્ટરપોલ કોન્ફરન્સની પ્રથમ બેઠક 1997માં ભારતમાં યોજાઈ હતી. ત્યારે સુવર્ણ જયંતિ ભારતની આઝાદીની 50મી વર્ષગાંઠ તરીકે ઉજવવામાં આવી રહી હતી. આ વખતે ભારતની આઝાદીની 75મી વર્ષગાંઠના અવસર પર નવી દિલ્હીમાં ઇન્ટરપોલ કોન્ફરન્સનું આયોજન કરવામાં આવી રહ્યું છે. પીએમઓએ કહ્યું કે આ ઈવેન્ટ વિશ્વને ભારતની કાયદો અને વ્યવસ્થાથી વાકેફ કરવાની તક છે. કેન્દ્રીય ગૃહ પ્રધાન અમિત શાહ, ઇન્ટરપોલના પ્રમુખ અહેમદ નાસેર અલ રાયસી અને તેના મહાસચિવ જનરલ જુર્ગેન સ્ટોક પણ ઇન્ટરપોલ કોન્ફરન્સની બેઠકમાં ભાગ લેશે.

English summary

The Pakistani FIA chief kept his finger on the mouth on the question asked about Dawood