Today in Politics: લોકસભા ચૂંટણી માટે કોંગ્રેસ જાહેર કરશે ઢંઢેરો, રાજસ્થાનમાં PM મોદી કરશે રેલી
Today in Politics, Lok Sabha elections 2024: લોકસભા ચૂંટણી-2024 માટે કોંગ્રેસનો ઢંઢેરો લગભગ તૈયાર છે. એવું માનવામાં આવે છે કે, કોંગ્રેસ આજે શુક્રવારના રોજ (05 એપ્રિલ) તેના ઇલેક્શન મેનિફેસ્ટો જાહેર કરશે.
રિપોર્ટ અનુસાર, કોંગ્રેસ આ મેનિફેસ્ટોમાં જૂની પેન્શન સ્કીમનું વચન પણ આપી શકે છે. આ સિવાય પ્રિવેન્શન ઓફ મની લોન્ડરિંગ એક્ટ, 2002 નાબૂદ કરવાનું વચન આપી શકાય છે. જેનો કાર્યક્ષેત્ર કોંગ્રેસના નેતૃત્વવાળી યુપીએ સરકારે વિસ્તાર્યો હતો, અને બાદમાં નરેન્દ્ર મોદી સરકારે સુધારા કરીને તેને વધુ મજબૂત બનાવ્યો હતો. આ સુધારાઓએ એન્ફોર્સમેન્ટ ડિરેક્ટોરેટ (ED)ને વધુ તાકાત આપી છે.
સૂત્રોના જણાવ્યા અનુસાર, કોંગ્રેસ મેનિફેસ્ટો સ્પષ્ટપણે બેલેટ પેપર પરત કરવાની માગણીથી દૂર રહેશે. 2018 માં કોંગ્રેસ પાર્ટીએ તેના AICC સત્રમાં પેપર બેલેટ સિસ્ટમ પરત કરવાની માંગ સાથે ઠરાવ પસાર કર્યો હતો.
સૂત્રોના જણાવ્યા અનુસાર, ચૂંટણી ઢંઢેરામાં હજૂ પણ મતદાન પ્રક્રિયામાં ફેરફારનું વચન આપવામાં આવશે, પરંતુ VVPAT જેવા સ્ત્રોતો અપનાવવા પર ભાર મૂકવામાં આવશે. સૂત્રોએ જણાવ્યું હતું કે, વચન એ હશે કે, જો પક્ષ સત્તામાં આવે છે, તો તે ખાતરી કરશે કે, મતદારોને VVPAT સ્લિપ ચકાસવાની તક મળશે.
PM નરેન્દ્ર મોદી રાજસ્થાનના ચુરુમાં ચૂંટણી રેલી કરશે - વડાપ્રધાન નરેન્દ્ર મોદી આજે રાજસ્થાનના ચુરુમાં એક જાહેર સભાને સંબોધશે અને ચૂંટણી રેલીમાં ભાગ લેશે. વડાપ્રધાન મોદીની આ જાહેરસભા બપોરે 12 વાગ્યે યોજાશે.
ભારતીય જનતા પાર્ટી (BJP)ના રાષ્ટ્રીય અધ્યક્ષ જેપી નડ્ડા આજે ઉત્તરાખંડના હરિદ્વારમાં એક જાહેર કાર્યક્રમમાં ભાગ લેશે. પ્રથમ કાર્યક્રમ સવારે 10:50 કલાકે માયા દેવી મંદિરમાં સંતો અને ઋષિમુનિઓને મળશે.
બીજા કાર્યક્રમમાં, જેપી નેડ્ડા બપોરે 12:20 કલાકે રોડ-શો કરશે, જે આર્યન નગરથી ઋષિકૂળ મેદાન સુધી ચાલશે. તે પછી, જેપી નડ્ડા બપોરે 01:25 કલાકે રિશીકુલ યુનિવર્સિટીમાં બૂથ પ્રમુખ, બૂથ વાલી અને શક્તિ કેન્દ્ર સંયોજકની બેઠકમાં ભાગ લેશે.
Click it and Unblock the Notifications
Sign in with Google
