યાસીન મલિક અને મસરત આલમની થઇ ધરપકડ
એક મોટી ખબર જમ્મુ કાશ્મીરથી આવી રહી છે. જે મુજબ જેકેએલએફના નેતા યાસીન મલિક અને અલગાવવાદી નેતા મસરત આલમની થોડીક વાર પહેલા જ ધરપકડ કરવામાં આવી છે. ખબર મુજબ પોલિસે આ બન્ને લોકોની તેમના ઘરેથી ધરપકડ કરી છે. કાશ્મીરના ખરાબ હાલતને જોતા તેમની ધરપકડ કરવામાં આવી છે.
સોમવારે તરાલના કમાલા વિસ્તારમાં આતંકીઓ સાથે થયેલી અથડામણમાં એક સ્થાનિક નાગરિકની મોત થઇ જતા સ્થિતિ ખૂબ જ તનાવપૂર્ણ થઇ ગઇ હતી. અને લોકો દ્વારા પથરાવ પણ કરવામાં આવી રહ્યો હતો. વધુમાં મલિક અને આલમ તરાલ જવાની યોજના બનાવી રહ્યા હતા. જેના પગલે જેકે પોલિસે તેમની ધરપકડ કરી છે.
પોલિસને શંકા છે કે આ બન્ને લોકો તરાલ જઇને ત્યાંથી પરિસ્થિતીને વધુ વિકટ કરી દેશે. આથી તેમના જવાની પહેલા જ આ બન્ને લોકોની ધરપકડ કરવામાં આવી છે. પોલિસના કહેવા મુજબ આ અથડામણમાં માર્યો ગયેલ વ્યક્તિ આતંકી હતો. જો કે સ્થાનિક લોકોનું કહેવું છે કે તે એક સામાન્ય નાગરિક હતો.