યુપી બીજેપીમાં ભડકો, રાજ્યમંત્રીએ ભ્રષ્ટાચારના આરોપ લગાવીને રાજીનામું આપ્યુ

ઉત્તર પ્રદેશમાં લોકસભા ચૂંટણીમાં હાર બાદ યોગી આદિત્યનાથને હટાવવાના કાવાદાવા તેજ થયા છે. આ ક્રમમાં હવે રાજ્યમંત્રીએ ભ્રષ્ટાચારના આરોપ લગાવીને રાજીનામું ધરી દીધુ છે.

યુપી સરકાર અને સંગઠન વચ્ચેનો વિવાદ સતત વકરી રહ્યો છે. આ દરમિયાન રાજ્ય મંત્રી સોનમ ચિશ્તી કિન્નરે પોતાના પદ પરથી રાજીનામું આપી દીધું છે.

રાજીનામું આપતી વખતે સોનમ કિન્નરે અધિકારીઓ પર ભ્રષ્ટાચાર અને મનમાનીનો આરોપ લગાવ્યો. તેમનું કહેવું છે કે અધિકારીઓ મનમાની કરી રહ્યાં છે. અધિકારીઓ પોતાના કર્મચારીઓની સુનાવણી કરી રહ્યાં છે અને પોતાના જ વિભાગમાં ભ્રષ્ટાચાર અને કૌભાંડ કરી રહ્યા છે.

સંગઠન માટે કામ કરવાની વાત કરનાર અને સરકાર કરતા પણ મોટી સંસ્થા હોવાનું કહેનાર સોનમ કિન્નરે ઉત્તર પ્રદેશના રાજ્યપાલને મોકલેલા રાજીનામા પત્રમાં લખ્યું છે કે, હું, સોનમ ચિશ્તી (કિન્નર), ઉપપ્રમુખ (દરજ્જા પ્રાપ્ત) કિન્નર કલ્યાણ બોર્ડ યુપી સરકાર તાજેતરમાં યોજાયેલી લોકસભા ચૂંટણીમાં ભારતીય જનતા પાર્ટીના વિવિધ જિલ્લાઓ અને લોકસભા મતવિસ્તારોના પરિણામોથી હું દુઃખી છું અને હારની જવાબદારી લઉં છું.

સોનમ કિન્નરે લખ્યું કે, રાજ્યમંત્રી હોવા છતાં હું લોકોમાં ભાજપને મજબૂત કરવામાં નિષ્ફળ રહી છું. આ કારણોસર મારા અંતરાત્માથી પરેશાન થઈને હું સરકારી હોદ્દા પરથી રાજીનામું આપુ છું.

English summary

Turmoil in UP BJP, Minister of State resigns citing corruption