લુકા-છુપી રમી રહ્યાં છે ટ્વીટર ઇન્ડિયાના એમડી મનિષ મહેશ્વરી: કર્ણાટક હાઇકોર્ટમાં UP પોલીસ
ઉત્તર પ્રદેશ પોલીસે શુક્રવારે કર્ણાટક હાઇકોર્ટ સમક્ષ કહ્યું હતું કે, ટ્વીટર ઇન્ડિયાના એમડી મનીષ મહેશ્વરી તપાસમાં સહકાર આપી રહ્યા નથી. યુપી પોલીસ વતી કોર્ટમાં કહેવામાં આવ્યું હતું કે મહેશ્વરીને નોટિસ ફટકારવામાં આવી છે, ત્
ઉત્તર પ્રદેશ પોલીસે શુક્રવારે કર્ણાટક હાઇકોર્ટ સમક્ષ કહ્યું હતું કે, ટ્વીટર ઇન્ડિયાના એમડી મનીષ મહેશ્વરી તપાસમાં સહકાર આપી રહ્યા નથી. યુપી પોલીસ વતી કોર્ટમાં કહેવામાં આવ્યું હતું કે મહેશ્વરીને નોટિસ ફટકારવામાં આવી છે, ત્યારબાદ તેમણે પોલીસ સમક્ષ હાજર થવું જોઈએ અને પ્રશ્નોના જવાબો આપવા જોઈએ, પરંતુ આમ ન કરીને તે લુકા છુપી રમી રહ્યાં છે.
યુપી પોલીસના વકીલે કોર્ટને કહ્યું હતું કે મનીષ મહેશ્વરી ટ્વિટર ઇન્ડિયાના વડા છે, તેમણે અમને સહકાર આપતા હાજર થવું જોઈએ. આ અંગે મહેશ્વરીના વકીલે કોર્ટમાં કહ્યું કે 18 જૂનથી અમે સતત કહેતા આવ્યા છે કે મારો ક્લાયંટ ફક્ત ટ્વિટરનો કર્મચારી છે, તે એમડી નથી. આ અંગે યુપી પોલીસના વકીલે કહ્યું કે જો આ સ્થિતિ છે તો મનીષ મહેશ્વરીએ તેમની સમક્ષ હાજર થવું જોઈએ અને તે કહેવું જોઈએ કે તે ટ્વીટર ઇન્ડિયાના એમડી નથી. બંને પક્ષની સુનાવણી બાદ હાઇકોર્ટે આ મામલાને 13 જુલાઇ સુધી મુલતવી રાખ્યો હતો. કોર્ટ 3 જુલાઈના રોજ પોતાનો આદેશ જાહેર કરશે.
રાજધાની દિલ્હીને અડીને આવેલા ગાઝિયાબાદમાં મુસ્લિમ વડીલની મારપીટ અને દાઢી કાપવાની ઘટનાના વીડિયો સાથે જોડાયેલા કેસમાં પોલીસ ટ્વીટર ઈન્ડિયા સહિત ઘણા લોકો સામે કેસ નોંધવામાં આવ્યો છે. પોલીસે આ કેસમાં મનીષ મહેશ્વરીને સમન્સ જારી કર્યું છે. ટ્વીટર ઇન્ડિયાના એમડી મનીષ મહેશ્વરીએ ગાઝિયાબાદ પોલીસને મળેલી નોટિસને કર્ણાટક હાઇકોર્ટમાં કલમ 41 એ હેઠળ પડકાર્યો છે.
ગાઝિયાબાદમાં એક વૃદ્ધ મુસ્લિમ શખ્સનો એક વીડિયો વાયરલ થયો હતો, જેમાં કેટલાક યુવાનો વૃદ્ધ પર હુમલો કરતા અને દાઢી કાપતા જોવા મળ્યા હતા. આ વીડિયોના શેરિંગને લગતા મામલે પોલીસે ટ્વીટર સહિત ઘણા લોકો સામે કેસ કર્યો છે. આ કેસમાં ગાઝિયાબાદ પોલીસે ટ્વીટર ઇન્ડિયાના એમડીને નોટિસ મોકલીને પૂછપરછ કરવા જણાવ્યું છે.
Click it and Unblock the Notifications
Sign in with Google
