દિલ્હી ફરી લજ્જીત: ચાલતી કારમાં ગેંગરેપ, 3ની ધરપકડ
નવી દિલ્હી, 18 ફેબ્રુઆરી: રેપ કેપિટલના નામથી બદનામ થઇ ચૂકેલી દિલ્હીમાં ફરી ગેંગરેપની ઘટના સામે આવતા ચકચાર મચી ગયો છે. આઉટર ડિસ્ટ્રિક્ટના શાહબાદ ડેરીમાં એક યુવતીને કારમાં ખેંચી લીધી અને પછી તેની સાથે ચાલતી કારમાં જ સામુહિક દુષ્કર્મ આચરવામાં આવ્યું.
ગેંગરેપ પીડિતા યુવતી તેના પતિ સાથે પટેલ નગર વિસ્તારમાં રહે છે. તેમનું શાહબાદ ડેરી વિસ્તારમાં તેમનું પોતાનું મકાન છે, જ્યા રહેલા ભાડુઆતો પાસે તે ભાડું લેવા ગઇ હતી. આરોપીઓએ ઘટના બાદ યુવતીને શાહબાદ ડેરી વિસ્તારમાં જ ફેંકી દીધી.
મેડિકલમાં બળાત્કારની ખરાઇ થયા બાદ સીનિયર પોલીસ ઓફિસરના નિર્દેશના આધારે લોકલ પોલીસે ફરિયાદ દાખલ કરીને ત્રણેય આરોપીઓને હરિયાણાના સોનીપત વિસ્તારમાંથી પકડી પાડ્યા હતા. ગેંગરેપની ઘટનાને અંજામ આપવા ઉપયોગમાં લેવાયેલી કારને પણ પોલીસે જપ્ત કરી લીધી છે.
સીનિયર પોલીસ ઓફિસરે જણાવ્યું કે પીડિત યુવતીની ઉંમર લગભગ 24 વર્ષની છે. ગેંગરેપ પીડિતા યુવતી તેના પતિ સાથે પટેલ નગર વિસ્તારમાં રહે છે. તેમનું શાહબાદ ડેરી વિસ્તારમાં આવેલું મકાન તેમણે ભાડે આપેલું છે, જ્યાં તે ભાડું લેવા ગઇ હતી. દરમિયાનમાં આરોપીઓએ તેનું અપહરણ કર્યું હતું.
Click it and Unblock the Notifications
Sign in with Google
