પંજાબ બાદ મહારાષ્ટ્રમાં પણ લંબાવાયું લોકડાઉન, ઉદ્ધવ ઠાકરેએ કહ્યું હાલત બહુ ગંભીર

કોરોના ચેપના સતત વધતા જતા કેસોને ધ્યાનમાં રાખીને મહારાષ્ટ્રના મુખ્યમંત્રી ઉદ્ધવ ઠાકરેએ રાજ્યમાં લોકડાઉન 30 એપ્રિલ સુધી વધાર્યું છે. મુખ્યમંત્રી ઉદ્ધવ ઠાકરેએ શનિવારે તેની જાહેરાત કરી હતી. મુખ્યમંત્રી ઉદ્ધવે કહ્યું કે, 'મહારાષ્ટ્રમાં લોકડાઉન 30 એપ્રિલ સુધી ચાલુ રહેશે. આવી મુશ્કેલ પરિસ્થિતિમાં પણ આપણે દેશને રસ્તો બતાવવામાં પાછળ હટશું નહીં. સૌથી વધુ ચેપ મહારાષ્ટ્રમાં છે. મહારાષ્ટ્રમાં ચેપગ્રસ્ત દર્દીઓની સંખ્યા 1800 ને વટાવી ગઈ છે. રાજ્યમાં અત્યાર સુધીમાં 110 લોકોનાં મોત નીપજ્યાં છે.

30 એપ્રીલ સુધી લોકડાઉન

મુખ્યમંત્રી ઉદ્ધવે કહ્યું કે, 'મહારાષ્ટ્રમાં લોકડાઉન 30 એપ્રિલ સુધી ચાલુ રહેશે. આવી મુશ્કેલ પરિસ્થિતિમાં પણ આપણે દેશને રસ્તો બતાવવામાં પાછળ હટશું નહીં. મુખ્યમંત્રી ઉદ્ધવ ઠાકરેએ જણાવ્યું હતું કે કેટલાક વિસ્તારોમાં લોકડાઉન હળવા કરવામાં આવી શકે છે જ્યારે કેટલાક વિસ્તારોમાં તેને કડક બનાવવામાં આવશે. તેમણે એમ પણ કહ્યું હતું કે 30 એપ્રિલ પછી સંપૂર્ણ રીતે બંધનો દૂર કરવાનો નિર્ણય પરિસ્થિતિના આધારે લેવામાં આવશે.

મહારાષ્ટ્રમાં સૌથી વધુ કોરોના કેસ

લોકડાઉન વધારવાની ઘોષણા કરતા મુખ્ય પ્રધાન ઉદ્ધવે કહ્યું કે, સોમવારે મહારાષ્ટ્રમાં કોરોનાનો પહેલો કેસ મળી આવ્યાને 5 અઠવાડિયા થશે. જો કે આજે આપણે કહી શકીએ કે આપણે કોરોનાની વૃદ્ધિ ઘણી હદે રોકી છે. ' કોરોના વાયરસથી દેશમાં મહારાષ્ટ્રને સૌથી વધુ અસર થઈ છે. અડધાથી વધુ કોરોના વાયરસના કેસ રાજધાની મુંબઇમાં જ આવ્યા છે. અગાઉ ઓડિશા અને પંજાબમાં લોકડાઉન 30 એપ્રિલ સુધી લંબાવવામાં આવ્યું હતું.

દેશભરમાં 7447 કોરોના કેસ

શનિવારની સાંજ સુધીમાં, દેશમાં કોરોના વાયરસના ઇન્ફેક્શનની કુલ સંખ્યા વધીને 7,447 થઈ ગઈ છે. કેન્દ્રીય આરોગ્ય મંત્રાલયના જણાવ્યા અનુસાર, જો લોકડાઉનનો નિર્ણય સમયસર ન લેવામાં આવ્યો હોત તો દેશની હાલત ખૂબ જ ખરાબ થઈ હોત અને આજે દેશમાં કોરોના વાયરસ પોઝિટિવ કેસની સંખ્યા 8 લાખ પર પહોંચી ગઈ હોત.

આ પણ વાંચો: કોરોના ફ્રી ટેસ્ટના આદેશમાં ફેરફારની માંગ માટે સુપ્રીમ કોર્ટમાં અરજી

English summary

Uddhav Thackeray says lockdown in Maharashtra too extended after Punjab